सार्वजनिक संस्थानया कर्मचारीया बोनसय् अंकुश
येँ – सरकारं सार्वजनिक संस्थानया कर्मचारीया बोनसय् अंकुश तःगु दु । वंगु साउन २९ गते च्वंगु मन्त्रिपरिषदया बैंठकं (प्यक्वःगु संशोधन) नियमावली २०७४ स्वीकृत यायेधुंकाः बोनस इने मदइगुजूगु दुसा छुं संस्थानं धाःसा बोनस १ प्रतिशतय् क्वकाःगु दु । बोनस नियमावली संशोधन लिपा नेपाल नागरिक उड्डयन प्राधिकरणं नाफापाखें कर्मचारीयात बोनस बीमदइगु जूगु दु ।
नेपाल आयल निगम व नेपाल विद्युत प्राधिकरणं धाःसा थःगु नाफां कर्मचारीयात अप्वलय् १ प्रतिशत जक बोनस बीदइगु जूगु दु ।
संशोधिन व्यवस्था कथं नाफा कमे यायेगु उद्देश्य मकासें गुगुं नं क्षेत्रया नियमन, प्रवद्र्धन यायेत थापना जूगु सरकारया स्वामित्वय् दुगु प्रतिष्ठानं बोनस बीदइमखु ।
नागरिक उड्डयन प्राधिकरण यिमनकारी निकाय खः । हवाई क्षेत्रया नियमनया प्राधिकरणया प्रत्यक्ष भूमिका दइ । थ्वहे व्यवस्थाया आधारय् प्राधिकरणं आः बोनस बी मदइगु जूगु खः । आयल निगम व विद्युत प्राधिकरण निगुलिं एकाधिकार दुगु संस्थान खः । निगुलिं निकायं खुद नाफाया १ प्रतिशत स्वयां अप्वः ध्यबा कर्मचारीया बोनसय् खर्च याये दइमखु ।
संशोधनय् ‘नेपाल सरकारं क्वःछिनातःगु क्षेत्रय् एकाधिकार कयाः नाफा कायेगु आज्जु कथं सरकारया स्वामित्वय् थापना जूगु प्रतिष्ठानं थःगु आज्जु कथं व्यावसायिक क्रियाकलापं आर्जन याःगु प्रत्येक आर्थिक दँया खुद मुनाफापाखें १ प्रतिशतं जुइगु ध्यबा जक बोनस कथं फ्याये फइ ।’
अथेहे आः सरकारं नाफामूलक उद्देश्यं थापना जूगु संस्थानया कर्मचारीया बोनसय् नं अंकुश तयाबिउगु दु । अज्याःगु सार्वजनिक संस्थानया कर्मचारी खुद नाफाया ८ प्रतिशत तक बोनस दयेदइगु साविकया व्यवस्था परिमार्जन यानाः ५ प्रतिशतय् लिकुंकूगु दु ।
LEAVE YOUR COMMENTS