न्यायाधिशया अजू चायापुगु फैसला

न्यायाधिशत नं गबलें गबलें अजू अजू चायापुगु फैसला न्यंकाः चर्चाय् वयेगु याः । थःपिंसं गुगुं इलय् उकथं अजू चायापुगु, पत्याः याये थाकूगु वा विश्वास याये बह मजूगु पैmसला याःगुलिं हे लिपा वनाः इपिं प्रधानन्यायाधिश जुइगु अवसर तकं त्वःफिके माःगु घटना नं जूगु दु । थथे अजू चायापुगु अझ धायेगु खःसा उट्पट्याङ पैmसला यायेगु सम्बन्धय् मेमेगु देय्या स्वयां अमेरिकी न्यायाधिशत छपलाः न्ह्यःने लाः धाःसां छुं पाइमखु ।

अमेरिकाया होनोलुलुस्थित छगू अदालतया न्यायाधिशं नं उकथंया हे फैसला न्यंकूगु दु । अदालतया न्यायाधिशं छम्ह मिजंनं छम्ह मिसायात दुव्र्यवहार याःगु धासें उकिया सजायकथं थः पूर्व प्रेमिकाया प्रशंसा यासें १४४ खँग्वः च्वयेत आदेश उिगु खः । अझ आदेशय् छु नं धयातःगु दु धाःसा ‘हरेक वाक्य न्हूगु जुइमाःगु व दोहोरे याये दइमखु ।’

अदालतं ३० दँ दुम्ह डारेन यंग नांया मिजंनं थःत अपशब्द प्रयोग याःगु, १४४ गू मेसेज छ्वया हःगु व फोन यानाः नं उलि हे दुःख बिउगु धासें वया पूर्व प्रेमिकां अदालतय् मुद्दा तःगु खः । उगु हे मुद्दाय् अदालतं उकथंया फैसला न्यंकूगु खः ।

खतुं अदालतं थ्व स्वयां न्ह्यः नं यंगयात वया पूर्व प्रेमिकायात गुगुंकथं नं सम्पर्क मतयेत नं आदेश बिउगु खःसा उकियात पालना मयासें यंगं छन्हु स्वघौया दुने १४४ फोन, मेसेज छ्वःगु खः । उकिया विरुद्ध वया पूर्व प्रेमिकां अदालतया अवहेलना याःगु मुद्दा तःगु खः ।

अवहेलना मुद्दाय् कडा रुपं प्रस्तुत जूम्ह न्यायाधिशं यंगयात १५७ न्हु जेल व २४०० डलर जरिवानाया पैmसला याना नं १४४ खँग्वः प्रशंसा यानाः च्वयेमाःगु तकया फैसला न्यंकूगु खः ।

सम्बन्धित बुखँ

LEAVE YOUR COMMENTS