ख्यालि न्हिलि

मिसात बजाः वनीबलय् स्वसः–प्यसः वंगु चप्पल छजु जक न्याना हःसां छेँय् वयाः शपिंग वना वयागु धकाः धक्कु त्वःती ।
मिजंत होटलय् वनाः द्वःछि वंगु अय्लाः त्वनाः नीन्यासः खर्च याना वःसां न नि मवासे सुम्क सिलखं त्वपुयाः द्यनी ।
ह्ह्ह्
न्हिछिचछिं जि, कलर्स, सोनी थेंज्याःगु भारतीय टेलिभिजन च्यानल स्वम्ह मिसां फिना तइगु टिशर्टय् धाःसा ‘आइ लभ नेपाल’ धकाः च्वयातःगु दइ ।
ह्ह्ह्
सेनाय् परेड म्हिताच्वंगु इलय् हाकिमं हवल्दार हर्केयात न्यन— ‘का धा हर्के, छंगु ल्हातय् च्वंगु व छु ख ?’
हर्के ः सर, थ्व बन्दुक खः ।
हाकिम ः व बन्दुक जक मखु, व छंगु शान खः, इज्जत खः, छिमि मां खः ।
हाकिमं मेम्ह परेड म्हिताच्वंम्ह सैनिकयात न्यन— ‘ का धा छ ल्हातय् छु ज्वना तयागु दु ।
मेम्ह सैनिक— सर थ्व ला हर्केया मां खः ।