
छुं दिं न्ह्यः बलिउड नायिका प्रियंका चोपडां बलिउडया फिल्म अफर रिजेक्ट याःगु खँ तसकं चर्चाय् वल । थुकिया कारण प्रियंकां थःगु इहिपा तयारी यायेमाःगु धाःसां लिपा हलिउडया हे तःधंगु ब्यानरया संकिपा म्हितेत्यंगु खँ पिहां वयेवं वयागु दावी फय्गं सावित जूगु खः ।
हालसालय् प्रियंकाया मेगु छपाः किपा सार्वजनिक जूगु दु, गुकी वं इन्गेजमेन्टया अंगू न्ह्यनातःगु खनेदत ।
बलिउडया हे मेम्ह नायिका रवीना टण्डनलिसे कयातः सेल्फीइ प्रियंकां पतिनय् अंगू न्ह्यानातःगु खने दुगु खः । सेल्फी काःगु इलय् प्रियंकां थःगु पतिनय् च्वंगु अंगू सुचुके ल्वःमंगु खः । डिजाइनर मनिष मल्होत्राया छगू ग्रान्ड पार्टीइ ब्वति कायेत वंगु इलय् रवीना व प्रियंकाः ‘पाउट सेल्फी’ काःगु खः ।
तर चर्चा धाःसा किपा स्वयां प्रियंकां न्ह्यानातःगु अंगूयात कयाः दकलय् अप्वः जूगु खः ।खतुं प्रियंकाः इन्गेजमेन्टया अंगू तःन्हु न्ह्यवंनिसें संचारमाध्यमपाखें सुचुका वयाच्वंगु खः, तर सेल्फी काःगु इलय् धाःसा उकियात सुचुके ल्वःमंकल । प्रियंकायात वया कथित मतिनामि निक जोन्सं प्रियंकाया हे जन्मन्हिया मौकाय् लाकाः अंगू न्ह्याकूगु धइगु चर्चा जुयाच्वंगु दु ।
LEAVE YOUR COMMENTS