ताम्रकार समाजया वृहत हिदान ज्याझ्वः

यल – ताम्रकार समाज, यलया ग्वसालय् दँय्दसं नियमित रुपं जुया वयाच्वंगु हिदान ज्याझ्वः थुगुसी वंगु साउन २६ गते शनिवाःकुन्हु जुल ।
समाज अन्तर्गतया स्वास्थ्य उपसमितिया ग्वसालय् जूगु ज्याझ्वलय् ख्वीम्हेसिनं हिदान यानादीगु खः ।

हिदान ज्याझ्वः ताःलाकेत उग्रचण्डी सामुदायिक स्वास्थ्य केन्द्र, चक्रवर्ति टोल सुधार समिति व नोबल बहुउद्देश्यीय सहकारी संस्था लगायतं ग्वाहालि याःगु खः ।

समाजं नियमित रुपं थुकथंया हिदान ज्याझ्वः याना वयाच्वनागु जानकारी बियादिसें समाजया नायः रवीन्द्रराज ताम्रकारं थज्याःगु ज्याझ्वलं हि मदयाः समस्याय् लानाच्वंपिं लाभान्वित जुयाच्वंगु धयादिल ।