यल – ‘शैक्षिक व आर्थिक उन्नतिया प्रवद्र्धन, प्रविधियुक्त कृषि हस्तकला व पर्यटन’ धयागु नारा बियाः ज्यापु समाजया गुक्वःगु तःमुँज्या व नीन्याक्वःगु दँ मुँज्या न्ह्याःगु दु । शनिवाः छगू तःजिगु समारोहया दथुइ यलया चाबहालय् प्रधानमन्त्री केपी ओलीं समाजया तःमुँज्या उलेज्या यानादिल । थ्व झ्वलय् वय्कलं ज्यापु समाजया भवनय् तयेगु शिलापत्रया उलेज्या नं यानादिल । ज्याझ्वलय् समाजया रजत महोत्सवया लसताय् […]

सुनां नं म्हसीका बीमाःगु आवश्यकता मदु, पद्मरत्न सु खः ? उकिसनं नेवाः ख्यलय् पद्मरत्न नेवाः आन्दोलन, नेवाः साहित्य अले नेवाः म्हसीकाया मंकाः पर्याय हे खत । नेवाः ख्यलं पुलाः नेपाःया नागरिक आन्दोलन, शान्ति प्रक्रिया, मानवअधिकार, जनजाति ख्यः अले राजनीतिकवृतय् नं पद्मरत्न अपरिचित मखु । थीथी इलय् थीथी ख्यलय् पलाः न्ह्याकूगु दुवाःत दु गनं पद्मरत्नयात थुकथं विषद् ब्यक्तित्वया त्वाथः […]

पल्यलप्तेय् गय् म्वतिकं ‘कविता’ ! ‘पद्म–मिखा’य् खं जिमिसं कविता ! छन्त खनाः थिकुथिकु पं कविता ! छंगु ख्वबिइ हिकुहिकु लं कविता ! छ खः नेवाःतय् ‘मूसः–कविता’ ! छं च्वै घालय् मलमं कविता ! रूपक ब्वैबल्य अति नासलं ली, छंगु निबन्धय् ‘कवि’ नं कविता ! सुंक च्वनीबल्य चीभाःद्यः थें ! जन–गणतय् छं माःहं कविता ! खिउं […]

सुम्निमा तुलाधर जि सुम्निमा तुलाधर, पद्मरत्न तुलाधरया चिधिकःम्ह म्ह्याय् । जि स्वयां च्वय् निम्ह दाजु दु, सुजनरत्न व सर्बनरत्न तुलाधर, अले छम्ह तता दु, सुनिता ताम्राकार । मां नीलशोभा तुलाधर । जिमि बाः छम्ह सार्वजनिक व्यक्तित्व, तसकं लिमलाःम्ह । तर जितः ताः जिमि बाः छम्ह अजू चायापुम्ह हे मनू खः । उलिमछि व्यस्त, उलिमछि चुनौतीपूर्ण ज्या यानाच्वनादी, अय्सां जिमिगु निंतिं […]

पुष्पकमल दाहाल ‘प्रचण्ड’ पद्मरत्न तुलाधर नेपाली समाजया आपालं आयामलिसे स्वापू दुम्ह व्यक्ति खः । भाषा, संस्कृति, राजनीति, साहित्य, नेपाल संवत् आदि आपालं आन्दोलनया ख्यलय् वय्कःया भूमिका दु । वय्कःयात जिमिसं थःपिनि अभिभावक भाःपाः सम्मान यानागु दु । जिमिसं सुरु यानागु झिदँ ताःहाकःगु जनयुद्धयात शान्ति प्रक्रियाय् हयेगु ज्याय् वय्कःया भूमिका मदुगु जूसा थौंया अवस्थाय् तक थ्यनीगु मखु जुइ धकाः […]

पद्म यः जिमि यःम्ह न्ह्यलुवा छंगु खः थौं जंक्वब्य ! जातिया उन्मुक्तिया लँय् थौं थ्व दिन ज्वीमा तिबः ! भिंतुने न्हाप्पां उकिं हे स्वस्थ ज्वीमा पद्म छ ! त्रासया लँय् नं छ दय्वं साहसं न्ह्याय् सैवल न्ह्याःलिसें दिपया नली नं आसया स्वां ह्वैवल म्वाय्त ल्वाय्माः धैगु हे उगु सत्य सः खः पद्म छ ! भिंतुने न्हाप्पां उकिं हे स्वस्थ […]