स्वनिगः

येँ – नेवाःतय् आदिभूमि जुयाच्वंगु स्वनिगः दुने पिनें वयाः च्वनाच्वंपिं आप्रवासीतय्सं थीथी कथंया समस्या पिकयाच्वन धइगु चर्चा ला न्हापा नं जुया वयाच्वंगु हे खः । तर आः वयाः थ्व समस्या गुलि तःधं जुल धायेबलय् स्वनिगःया स्थानीय नेवाःतय् परम्परागत दिपय् सी उइगु ज्याय् तकं अवरोध पिकायेगु सुरु याना हःगु दु । थज्याःगु हे अवरोधया कारणं म्हीग थनया चाबहिली […]

‘उबलय् भुइजःसि निसें शंखमूल, यल तकयात छगू हे विशाल नगर धाइगु’ शताब्दी पुरुष सत्यमोहन जोशीं एमाले महासचिव ईश्वर पोखरेलयात धयादिल, ‘लिच्छविकालीन राजधानी धयातःगु नरः (हाडीगाउँ) जःखःया थासय् नेपाःया न्हापांगु प्रमाणिक अभिलेख नालातःगु प्रस्तर मूर्ति नं लूगु दु । उकिया उचित संरक्षण जुइमाः ।’ शताब्दीपुरुष जोशीं थःगु लिपांगु सफू ‘नेपाली कलाको रुपरेखा’ (प्राचीन र मध्यकालिन) द्वहलपा […]

येँ- थनया डल्लु आवास क्षेत्रयात सुविधायुक्त नमूना आवास दयेकेगु निंतिं पहल शुरु जूगु दु । उकिया निंतिं डल्लु आवास स्थानीय सहयोग समितिं छगू कार्यपत्र दयेकाः विकासया निंतिं थीथी ज्याझ्वःत न्ह्याका वयाच्वंगु दु । स्थानीय तह, प्रदेश व प्रतिनिधिसभा निर्वाचन लिपा डल्लु आवास क्षेत्रयात विकास यायेगु ल्याखं समितिं उकथंया ज्याझ्वः धमाधम न्ह्याका वयाच्वंगु खः । थ्व झ्वलय् समितिं डल्लु […]

येँ- ख्वपय् चाया व्यवसाय यानाच्वंम्ह छम्ह व्यवसायीया हत्या जूगु दु । चाया व्यवसाय यानाच्वंम्ह चाँगुनारायण नगरपालिका ९ ताथलीइ च्वंम्ह ५५ दँया सीताराम सैंजुया हत्या जूगु खँ महानगरीय प्रहरी परिसर ख्वपं धाःगु दु । थौं सुथय् ५ बजे सैंजुया सीम्ह ख्वप नगरपालिका ९या ब्रह्मायणीइ घ्वंस्यानाच्वंगु अवस्थाय् लुइकूगु खँ प्रहरी परिसर भक्तपुरया प्रवक्ता प्रहरी नायब उपरीक्षक कृष्ण […]

येँ- येँ देय्या मू चक्रेश्वर, देय् थाय्पाः क्वाःबहाःया सर्वज्ञरत्न वज्राचार्य सोमवाः मन्त । ९४ दँया वय्कःया अन्त्येष्टि सोमवाःया हे कर्णद्विपय् जूगु दु । वय्कःया काय प्यम्ह व म्ह्याय् निम्ह दी ।

ख्वप – दँय्दसं घ्यःचाकु संल्हू कुन्हु ख्वपय् तःजिक न्यायेकीगु सम्यक महादान म्हिगः थनया जयकृति महाविहार थथुबहीया भुइख्यलय् न्यायेकल । थ्व पर्वय् थनया प्रशन्नशील महाविहार, चतुब्रम्ह महाविहार, मंगल धर्मदीप महाविहार, जयकृति महाविहार व बौद्ध समकृत विहार समेत यानाः न्यागू थाय्यापिं न्याम्ह दीपंकर बुद्धपिं भुइख्यलय् मुंकाः सम्यक भोजन व दानप्रदान ज्या जुइगु खः । थ्व सम्यक सञ्चालन यायेगु लागिं […]