स्वनिगः

येँ (नेपालभाषा टाइम्स)- नेपालभाषा सेवी, साहित्यकार पुष्कर भक्त माथेमाया मां प्रेमकुमारी श्रेष्ठ म्हिगः मंत । ताःई न्ह्यवनिसें ल्वचं कयाच्वंम्ह वय्कः म्हिगः माइल्ड स्ट्रोक जुयाः मदुगु खः । सुथय् ८ बजे मदुम्ह वय्कःया अन्त्येष्टी म्हिगः हे पशुपतिया आर्यघाटय् जूगु खः । वय्कःया काय छम्ह, म्ह्याय् छम्ह दी । वय्कःया म्ह्याय् सुष्मालता माथेमा सर्वोच्च अदालतया न्यायाधीश खः ।

ख्वप(नेपालभाषा टाइम्स)÷ख्वप नगरपालिका वडा नं. १ सल्लाघारीइ पुनःनिर्माण जूगु धाँलाखसि फल्चाया उलेज्या याःगु दु । ख्वप नगरपालिका प्रमुख सुनिल प्रजापतिं छगू ज्याझ्वःया दथुइ पुनःनिर्मित फल्चाया उलेज्या यानादीगु खः । ज्याझ्वलय् नवासें नगर प्रमुख प्रजापतिं पुलांगु शैलीया ध्वाखा, देगः, सतः फल्चा संरक्षणं ख्वप नगरया पर्यटन ख्यःयात तिबः बीगु विश्वास प्वंकादिसें ख्वप नगरपालिका सम्पदा संरक्षणयात प्राथमिकतातय् तयाः […]

ख्वप (नेपालभाषा टाइम्स)- स्वनिगःया आदिवासी ब्रम्हूकथं म्हसीका दुपिं द्यःब्रह्मू राजोपाध्यायतय् कुसा संगठन राजोपाध्याय समाजया तःमुँज्या क्वचाःगु दु । तःमुँज्या हाकनं छक्वः संजय शर्मा राजोपाध्यायया नेतृत्व न्हूगु ज्यासना पुचः ल्यःगु दु । नायः पदय् निर्विरोध निर्वाचित जूगु घोषणा जुइधुंकाः सभाय् न्ववासें राजोपाध्यायं आधुनिक प्रविधियात नं आत्मसाथ यासें समाजया धर्म, संस्कृति, परम्पराया संरक्षण, सम्वद्र्धन व प्रवद्र्धनय् न्ह्यज्यायेगु […]

येँ(नेपालभाषा टाइम्स)÷ स्मार्ट एरोविक्स व भिषा एलायन्सया मंका ग्वसालय् हिदान ज्याझ्वः जुल । खुसिबुँ पहिक्वः त्वालय् जूगु हिदान ज्याझ्वलय् निसः व न्हय्म्हेसिनं हिदान याःगु खः । उगु इलय् किड्नी, कोलेष्ट्रोल व ब्लडसुगरमा निःशुल्क शिविर नं संचालन याःगु खः । शिविरं निसलं मल्याक मनूत लाभान्वित जूगु जानकारी ग्वसाः खलकं बिउगु दु । स्मार्ट एरोविक्सया नायः निर्मल महर्जनया नायःसुइ जुगु […]

येँ(नेपालभाषा टाइम्स)÷येँ महानगरपालिका सम्पदा तथा पर्यटन विभागया ग्वसालय् जूगु येँ महानगरस्तरीय धाःबाजं धेंधेंबल्लाः कासा– ११४४ य् ङत तुलाधर समिति न्हाप लाःगु दु । येँ महानगरपालिका स्वर्णिम योजना सांस्कृतिक महानगर अन्तर्गत येँ महानगरस्तरीय धाःबाजं कासाय् कसाः तःधं गुथि लिउ व थँहिति मानन्धर गुथि लियांलिउ लाःगु दु । शनिवाः थनया राष्ट्रिय सभागृहय् जूगु धाःबाजं कासाय् गुंलाया इलय् […]

येँ (नेपालभाषा टाइम्स)- वल्र्ड नेवाः अर्गनाइजेसनया ग्वसालय् इतुंबहाः म्युजियम परिसरय् ल्याय्म्हतय्त लक्षितयानाः सिथि नखःया बारे कार्यशाला गोष्ठी जुल ।ज्याझ्वलय् लेखक , अनुसन्धानकर्ता नापं शहरी योजनाकार भाजु पद्मसुन्दर जोशीं थःगु ज्यापौ न्ह्यब्वयादीग खः। ज्यापौ न्ह्यब्वयेगु झ्वलय् वय्कलं नेपाःगाःया नेवाःतय् नखःचखः व तजिलजि प्रकृति व कृषिनाप स्वात्तुस्वानाच्वंगु खँ न्ह्यथँसे सिथि नखः नं लः नाप सम्बधित नखः जूगु खँ […]