बुखँ

ख्वप – नेपाल रेडक्रस सोसाइटी ख्वप शाखां ‘स्वास्थ्य भक्तपुर अभियान’ संचालन याःगु दु । थ्व स्वयां न्ह्यः हि मदुसा ख्वपय् हुँ धइगु अभियान न्ह्याका वयाच्वंगु ख्वप रेडक्रसं आः थुगु अभियान न्ह्याकूगु खः । लछितक न्ह्याइगु स्वास्थ्य भक्तपुर अभियान ख्वप देय्या थीथी थासय् न्ह्यानाच्वंगु दु । थुगु अभियान चाँगुनारायण प्राथमिक स्वास्थ्य केन्द्रय् इवामुरा अस्पतालया ग्वाहालिइ, सूर्यविनायक नगरपालिका वडा नं. […]

येँ – राष्ट्रिय सतर्कता केन्द्रं निर्वाचित जनप्रतिनिधियात सम्पत्ति विवरण बुझे यायेत धाःसां अझं बुझे याःगु मदुनि । केन्द्रया कथं पटक पटक सम्पत्ति विवरण बुझे यायेत धाःसां अझं झिंच्यागू जिल्लाया जनप्रतिनिधिं थःगु सम्पत्ति विवरण बुझे याःगु मदुनि । कानुनकथं जनप्रतिनिधिइ निर्वाचित जूगु ६० न्हुया दुने वा आर्थिक दँ शुरु जूगु ० न्हुया दुने सकलें जनप्रतिनिधितय्सं थःथःगु सम्पत्ति विवरण […]

थिमि – थनया नवरत्न इंग्लिश स्कुलं अन्तर्राष्ट्रियस्तरय् नेपाःया इतिहास कायम यायेत सफल विद्यार्थीतय्त छगू ज्याझ्वःया दथुइ सम्मान याःगु दु । बंगलादेशया ढाकाय् जूगु एस.क्यू.सी.सी.या २१ क्वःगु अन्तर्राष्ट्रिय सम्मेलनय् नेपाःया प्रतिनिधित्व यासें उत्कृष्ट पुरस्कार त्याकेत सफल विद्यार्थीतय्त स्कुलं कदर स्वरुप सम्मान याःगु खः । सम्मानित जुयादीपिं विद्यार्थीपिं जेनी मानन्धर, सुमन श्रेष्ठ, सर्सिज श्रेष्ठ, अन्सु श्रेष्ठ, लसता मानन्धर, जिज्ञासा […]

येँ – नेपालय् न्हापांखुसी चायेकेत्यंगु पूर्वाधार विकास बैंकं शुरुइ लगानी बोर्ड व योजना आयोगं स्वीकृत यानातःगु ततःधंगु आयोजनाय् निं लगानी याइगु जूगु दु । नेपाःया हे दकलय् अप्वः चुक्ता पूँजी दइगु उगु बैंकं सुरुङमार्ग, सतक, जलविद्युत, सहर निर्माण, रेलगमार्ग थेंज्याःगु विकासया क्षेत्रय् लगानी याइगु खँ बैंकया अध्यक्ष विमल कोइरालां धयादीगु दु । पूर्वाधार विकास बैंकय् सर्वसाधारणया ४० […]

येँ – न्हापांगु मिसा पत्रकार सगरमाथा आरोहण दलया दुजः जुयाः सगरमाथा गःवःपिं नेवाः पत्रकारत कल्पना महर्जन व रोजिता बुद्धाचार्य नं सगरमाथाया सफल आरोहण यायेत ताःलाःगु दु । न्याम्ह मिसा पत्रकार दुथ्याःगु थुगु पुचःया प्यम्ह पत्रकारत सगरमाथा च्वकाये थ्यनेत ताःलाःगु दु । थुकिया लिसें सगरमाथाया सफल आरोहण याःपिं नेवाः मिसात न्याम्ह थ्यंगु दु । स्वन्हु न्ह्यव […]

ख्वप-  बागिश्वरी कलेजया ग्वसालय् अनुसन्धान विधिबारे न्यान्हुयंकंया तालिम जुल । विश्वविद्यालय अनुदान आयोगया ग्वाहालिइ शुरु जूगु न्यान्हुयंकंया ‘रिसर्च मेथोडोलोजि ट्रेनिङ’ वंगु शनिवाःनिसें थन शुरु जूगु खः । तालिमया उलेज्या नेपाल मजदुर किसान पार्टीया नायः नारायणमान बिजुक्छें यानादीगु खः । ज्याझ्वलय् मूपाहां बिजुक्छेँनं ख्वपयात ख्वप विश्वविद्यालय चायेकेगु अनुमति बिल धाःसा झिगू लाखं डाक्टर ब्वंके फइगु खँ सियाः हे निजी […]