बुखँ

येँ – चोभारय् दयेकेगुत्यंगु ड्राइपोर्ट अनं चीकेगु बारे म्हिगः उद्योग मन्त्री मातृका यादव व स्थानीय जनता दथुइ सहलह जुल । सहलहया झ्वलय् चोभार संरक्षण समितिं चोभाः लागाय् गुगुं नं हालतय् ड्राइपोर्ट (सुख्खा बन्दरगाह) दयेके मजिउगु खँय् बः बिउगु खः । सहलहय् संरक्षण समितिं जग्गा सम्बन्धी विवाद, हेटौंडा सिमेन्ट कारखानाया कर्मचारीया समस्या व स्थानीय जनताया समस्या ज्यंकेमाःगु माग […]

येँ-वज्राचार्य संरक्षण गुथिया ग्वसालय् जूगु छगू ज्याझ्वःया दथुइ वज्रयान बौद्ध कर्मकाण्ड–बुद्धमाया स्मृति सिरपाः लःल्हात । गुथिया कार्यवाहक नायः गम्भिर वज्राचार्यया सभापतित्वय् वंगु शनिवाः वैरोचन तीर्थय् जूगु ज्याझ्वलय् उगु सिरपाः लःल्हाःगु खः । वज्रयान बौद्ध कर्मकाण्डयात जीवन्त याना तयेगु उद्देश्यं मदुम्ह बौद्ध उपासिका बुद्धमाया शाक्यया लुमन्तिइ नीस्वनातःगु उगु सिरपाः नीन्याद्वः तका दांया खः । थुगुसी उगु सिरपाः लुम्बिनी बौद्ध […]

येँ – प्रदेश नं. ३ या भौतिक पूर्वाधार मन्त्री केशव स्थापितयात प्रदेशया मुख्यमन्त्री डोरमणि पौडेलं बर्खास्त याना छ्वःगु घटनां देय्या राजनीति छुं ई तरंगित जुल । स्थापितयात बर्खास्त याना छ्वःगुया कारण वय्कलं मुख्यमन्त्री पौडेलयात ‘दुव्र्यवहार याःगु’ धकाः जक न्ह्यथंगु दु । तर धाथें याःगु चाहिँ छु खः ले धइगु खँ धाःसा सार्वजनिक जूगु मदुनि । सूत्रतय्सं धाः कथं […]

येँ- राष्ट्रिय विभूति शंखधर साख्वालं काःगु फि लिकाःगु थाय् धयातःगु ऐतिहासिक लखतीर्थया जग्गा सार्वजनिक सम्पत्ति खः धकाः कायम जूगु दु । भूमाफियातय्सं उगु तीर्थ मातहत लाःगु करिब १ रोपनी जग्गा निजी खः धकाः दावी यानाः लालपूर्जा समेत कायेगु कुतः यानाच्वंगु खः । तर उकिया विरोधय् लखतीर्थ सहयोग समितिं खुसि सिथय् लाःगु उगु तीर्थया जग्गा सार्वजनिक खः धकाः […]

येँ- म्हिगः शंखधर दिवसया लसताय् दोल्खाय् नं शंखधर साख्वाःया झ्वाता पलिस्था यात । संस्कृति मन्त्री रविन्द्र अधिकारीं अन जूगु छगू ज्याझ्वःया दथुइ झ्वाता उलेज्या यानादीगु खः । ज्याझ्वलय् अनया सांसद पार्वत गुरुङ, प्रदेश सभाया सांसद पशुपति चौलागाइँ, मेयर भरत केसी, प्रतिमा निर्माण उपभोक्ता समितिया दुजः राजेन्द्र मानन्धर, शंखधर साख्वाः प्रतिष्ठानया दुजः ज्ञानराम श्रेष्ठपिंसं न्ववानादीगु खः । दोल्खाया भालु […]

मदुम्ह डा. मल्लया अन्तिम संस्कार अमेरिकाया एटलान्टाय् हे विधिपूर्वक याइगु खँ सीदुगु दु । अन्तिम संस्कार धाःसा अनया ई कथं मंगलवाः (नेपाःया ई कथं बुधवाः) जक याइगु ग्वसाः दु । उकी अमेरिकाय् च्वंपिं नेपाःमि व विदेशी विद्वानतय्सं ब्वति कयादी । अन्तिम संस्कार अमेरिकाय् जूसां वय्कः मदुया बिचाः फयेगु ज्या धाःसा येँय् वय्कःया थाय्मरुस्थित पुलांगु छेँय् जुइगु खँ सीदुगु […]