सुमन साय्मिया पक्षय् अभियन्तात छप्पँ

येँ- थीथी नेवाः मुद्दायात कयाः आन्दोलन यानाच्वंपिं अभियन्तात येँया मेयर उम्मेदवार सुमन साय्मिया पक्षय् छप्पँ जूगु दु । स्वतन्त्रं दनादीम्ह मेयर पदया उम्मेदवार सुमन साय्मि व उपमेयर पदया उम्मेदवार विद्या श्रेष्ठ महर्जनयात त्याकेगु लागिं वय्कःपिं छप्पँ जुयादीगु खः । नकतिनि जूगु अभियन्तातय् मुँज्यां यादवलाल कायस्थ, कृष्णगोपाल भायो आदिपिंसं साय्मिया पक्षय् चुनाव प्रचार यायेगु निर्णय नं याःगु खः । स्वतन्त्र उम्मेदवार साय्मि व महर्जनयात तिकिझ्याः चुनाव चिं लाःगु दु ।