‘जमाना मभिं स्व’ सार्वजनिक

येँ (नेपालभाषा टाइम्स) – नेपालभाषाया मेगु छगू न्हूगु म्युजिक भिडियो ‘जमाना मभिं स्व’ सार्वजनिक जूगु दु । नेवाः पत्रकार राष्ट्रिय दबूया केन्द्रीय नायःलिसें नेपालभाषाया लोकंह्वाःम्ह म्येँ हालामि सुरजवीर वज्राचार्यं च्वयादीगु उगु म्येँया म्युजिक भिडियो हाइलाट्स नेपालं सार्वजनिक याःगु खः ।

वरिष्ठ सिने पत्रकार विजयरत्न असंबरें सार्वजनिक यानादीगु म्युजिक भिडियो मनय् माया दुसां जमानाया मिखाय् मलाइगु खःला धइगु चिउताः तयाच्वंम्ह मिसायात जमाना थःगु हे खः धकाः थुइकेत सफल बाखंया लिधंसाय् तयार यानातःगु खः । म्युजिक भिडियोय् रुपेन्द्र श्रेष्ठ ‘थक्वाःमि’ व आराध्यलक्ष्मी खड्गीया मुख्य अभिनय दु । निर्देशन नं खड्गीं हे यानादीगु म्युजिक भिडियोय् चिरिबाबु महर्जन, रमेश पौडेल, राजकुमारी श्रेष्ठया नं अभिनय दुथ्यानाच्वंगु दु ।

थुगु म्यजिक भिडियोय् दुथ्यानाच्वंगु म्येँय् ‘बुदिंया भिंतुना म्येँ कासा’ पाखें चर्चाय् वःपिं मय्जु सुमन मानन्धर व भाजु रोविसन कंसाकारं सः बियादीगु खः । म्युजिक भिडियोया छाँयाकन व सम्पादन सोहन मानन्धरं यानादीगु खः ।

सम्बन्धित बुखँ

LEAVE YOUR COMMENTS