नेवाः पुचः कतारया च्याक्वःगु वार्षिकोत्सव ज्याझ्वः

येँ – कतारय् च्वनाच्वंपिं नेवाःतय् संगठन नेवाः पुचः कतारया च्याक्वःगु वार्षिकोत्सव छगू विशेष ज्याझ्वः यासें हन । पुचःया कार्यवाहक नायः राजु महर्जनया सभापतित्वय् जूगु ज्याझ्वः सलुवा रोड अइन खालिदय् जूगु खः ।

नेवाः पुचः कतारया संरक्षकनापं विशेष सल्लाहकार डा. देवकाजी डंगोल मूपाहांकथं झायादीगु ज्याझ्वलय् प्रमुख सल्लाहकार किशोर महर्जन, संस्थापक नायः नापं विशेष सल्लाहकार राधेश्याम महर्जन, सल्लाहकारद्वय ईश्वर महर्जन व मन श्रेष्ठ लगायतपिनिगु विशेष उपस्थिति दुगु खः ।

पुचःया प्रमुख सल्लाहकारलिसें महर्जनं लसकुस यानादीगु ज्याझ्वलय् संस्थापक नायःलिसें विशेष सल्लाहकार महर्जनं पुचः स्थापनालिसें उद्देश्याया बारे कनादीगु खः । सल्लाहकारद्वयं नं भिंतुना न्वचु बियादीगु ज्याझ्वलय् मूपाहां डंगोलं कतारय् च्वनाच्वंपिं सकल नेवाःतय्त पुचलय् आवद्ध जुयादीत इनाप यानादिल ।

ज्याझ्वःया सभाध्यक्षलिसें पुचःया कार्यवाहक नायः महर्जनं संस्थाया भावि ज्याझ्वःया बारे जानकारी बियादिसें कतारय् च्वनाच्वंपिं सकसितं पुचलय् दुहां वयेत इनाप यानादिल ।