इमेज म्युजिक एवार्ड प्रकाश गुरुङयात लाइफटाइम, कुलमानयात पर्सनालिटी अफ इएर

येँ –  नीक्वःगु इमेज म्युजिक अवार्ड वइगु असोज २० गते जुइगु जूगु दु । सोमवाः अवार्डया निंतिं नोमिनेशनय् लाःपिंत प्रमाणपत्र बिइगु झ्वलय् इमेज समूहया अध्यक्ष व म्यानेजिङ्ग डाइरेक्टर आर. के. मानन्धरं थुगुसी संगीत क्षेत्रय् विशिष्ट योगदान बिया वयाच्वनादीम्ह प्रकाश गुरुङ्गयात लाइफ टाइम एचिभमेन्ट व ऊर्जा ख्यलय् विशिष्ट योगदान बियादीम्ह कुलमान घिसिङ्गयात पर्सनालिटी अफ इएरया विशेष सम्मान बीगु घोषणा यानादिल ।

इमेज अवार्डया निंतिं थीथी झिंच्यागू विधाय् न्याम्ह न्याम्हेसिया नां नोमिनेशनयाःगु खः ।इमेजं थुगुसी पब्लिक च्वाइस अवार्ड सहित सर्वोत्कृष्ट गायक, गायिका, पप गायक, पप गायिका, रचना, युगल गायन, नव कलाकार, संगीत, म्ये, दोहरी गायक, दोहरी गायिका, लोक गीत संकलन, दोहरी म्ये, म्युजिक भिडियो क्यामेरापर्सन, म्युजिक भिडियो सम्पादन, निर्देशक, उत्कृष्ट म्युजिक भिडियो यानाः झिंच्यागू विधाय् अवार्ड बीत्यंगु दु ।

थुगुसी दिपक वज्राचार्यया ‘मन मगन’ म्य दकलय् अप्वः न्यागू विधाय् नोमिनेशनय् लाःगु दु । मनमगन उत्कृष्ट पाप गायक, उत्कृष्ट म्ये, उत्कृष्ट म्युजिक भिडियो, म्युजिक भिडियो सम्पादक व पब्लिक च्वाइस यानाः न्यागू विधाय् नोमिनेशनय् लाःगु दु ।

नेपालभाषा टाइम्स

च्वमिया मेमेगु

• जुगि जातया आवासया समस्या
• मेलम्चीया लः वइगु अझं अनिश्चित
• बँ पसः तयेके हे मबीगु बालेनया अडान
• फणीन्द्रयात सिद्धिदास सिरपाः
• इहिपा ज्याझ्वलय् मिं नयाः सछिम्ह मल्याकं सित