ने. सं. ११४६ तछलाथ्व पञ्चमी - सिद्धिचरण श्रेष्ठ बुदिं

प्लाष्टिकया कतांमरि

बलिउड अभिनेत्रीमध्ये सुन्दरताया ल्याखं दकलय् अप्वः चर्चाय् वइम्ह सुं दुसा व खः अभिनेत्री ऐश्वर्या राय । बलिउडय् दुहां वंगु इलंनिसें थौं इहिपा लिपा आतक नं वयागु सुन्दरतायात कयाः चर्चा यायेगु क्रम अन्त्य जूगु मदुनि ।

बलिउडया सुन्दरी अभिनेत्रीया रुपय् चर्चाय् वयाच्वनीम्ह ऐश्वर्याया सुन्दरतायात कयाः इष्र्या याइपिंसं वयागु सुन्दरता प्राकृतिक मखसे प्लाष्टिक सर्जरी यानाः थःत सुन्दर खने दयेकूगु धाइपिं नं मदुगु मखु । न्ह्याम्हेसिनं न्ह्याःगु हे धाःसा सुन्दरताया मामिलाय् ऐश्वर्या मेमेपिं नायिका स्वयां गाक्कं न्ह्यःने लाः । वयागु सुन्दरतायात कयाः यक्वसिनं थःथःगु कथंया उपमा वा संज्ञा नं बीगु याः ।

थ्व हे झ्वलय् बलिउडया छम्ह चर्चित अभिनेता ‘सिरियल किसर’ इमरान हासमीं छगू अन्तर्वार्ताया झ्वलय् ऐश्वर्यायात ‘प्लाष्टिकया कतांमरि’या संज्ञा बिउगु खः । खतुं ऐश्वर्या ल्यासेबलय् व आःया किपायात लना स्वयेगु खःसा मिसातय् ख्वालय् खने दइगु छुं छुं हिउपाः बाहेकं खास फरक खने मदु ।