शिकागोय् मंकाः इही (किपा स्वयादिसँ)

शिकागो– नेवाः अमेरिकन दबूया ग्वसालय् शिकागोय् दकलय् न्हापांखुसी मंकाः इहि संस्कार ज्याझ्वः जुल । बाल्टिमोरं झायादीम्ह नेवाः पुरोहित वासव राजोपाध्यायं इहि संस्कार याकादीगु खः । इहि ज्याझ्वलय् स्वम्ह मस्त निभा प्रधान, जुर्ना प्रधान व आया महर्जनं ब्वति काःगु खः ।

न्याघौ तक न्ह्याःगु इहि ज्याझ्वः नेवाः अमेरिकन दबूया पुलांम्ह नायः केशरमान ताम्राकारं न्ह्याकादीगु खः । लसकुस न्वचु बीगु झ्वलय् नायः उदय महर्जनं नेवाः अमेरिकन दबूपाखें यक्व न्ह्यवनिसें नेवां संस्कार मध्ये छगू महत्वपूर्णगु संस्कार इहि ज्याझ्वः यायेगु तातुना च्वनागु, गुगु थौं पूवन धयादिल । वय्कलं थज्याःगु ज्याझ्वः दँय्दसं यानायंकेगु पाखे बिचाः जुयाच्वंगु खँ नं कनादिल । अथेहे दबूया दुजः विवेक श्रेष्ठं ब्वति कयादीपिं व ग्वाहालि यानादीपिंत सुभाय् देछायादिल ।

ज्याझ्वलय् इहि यानादीपिं मिसामस्त, कुमार कुमारी जुयादीपिं लिसें पुरोहित बासव राजोपाध्याय्यात दबूपाखें हनापौ नं देछाःगु खः ।