आः हृदयप्रसाद नं निर्देशक

येँ – नेपालभाषाया नांजाःम्ह कलाकारलिसें ध्याचू च्वमि हृदयप्रसाद मिश्रं निर्देशनय् नं थःगु ल्हाः न्ह्याकादीगु दु । मिश्रया निर्देशनय् न्हापांखुसी छपु ख्यालि ध्याचुलिं जाःगु म्येँ आः नकतिनि पिदंगु खः । ंनयेत्वने यत्तले, ध्यबा दत्तले’ धाःगु म्येँया म्युजिक भिडियो भाजु मिश्रं निर्देशन यानादीगु खः ।

राजकुमार मानन्धरं च्वयाः वय्कलं हे संगीत तयाः हालादीगु उगु म्येँया संगीत संयोजक जुगल डंगोल खः । म्युजिक भिडियोया बाखं व परिकल्पना नापं निर्माता श्यामसुन्दर शिल्पकार खःसा उगु म्युजिक भिडियोया छायांकन नरेश शाही व लक्ष्मीप्रसाद किसिं यानादीगु खः ।

उगु म्युजिक भिडियोय् श्यामसुन्दर शिल्पकार, अर्नेश्वरी शिल्पकार म्येँ च्वमि मानन्धर, सरिता वज्राचार्य, एलिजा श्रेष्ठ, प्रजिता श्रेष्ठ व सितु शिल्पकारं अभिनय यानादीगु दुसा सम्पादन नरेश शाहीं यानादीगु खः ।

सम्बन्धित बुखँ

LEAVE YOUR COMMENTS