उच्चस्तरीय राष्ट्रिय शिक्षा आयोगं शिक्षाय् विद्यमान व्यापारीकरण पनेत वइगु दिनय् सेवामूलक निजी ब्वनेकुथि जक दइकथंया मस्यौदा प्रतिवेदन तयार याःगु दु । थौंकन्हय् कम्पनीइ दर्ता जुयाच्वंगु निजी (संस्थागत) ब्वनेकुथियात सहकारी सेवामूलक निजी व सामाजिक गुथिइ दर्ता जुइत प्रोत्साहित यासें भविष्यय् सेवामूलक निजी ब्वनेकुथि जक दइगु प्रबन्ध जुइमाःगु आयोगया सुझाव दु । नेपाःया संविधानं शिक्षायात मौलिक हकय् समावेश यानाः […]

येँ – येँया नांजाःगु व पुलांगु ग्लोसरी पसः छाता भण्डारया थुवाः लिसें अर्थशास्त्रया प्राध्यापक भाजु विद्यामान शाक्य म्हीग मंत । वय्कः ८० दँ दुम्ह खः । वय्कः धर्मोदय सभाया पुलांम्ह महासचिव नं खः । मदुम्ह शाक्यया जहान लिसें छम्ह काय दी ।

येँ (नेपालभाषा टाइम्स)÷द्वहं स्यात धकाः प्रहरीं ज्वनाः कुनातःपिं धरानया झिम्ह स्थानीयतय्त प्रहरीं त्वःता हःगु दु । उमित बिना शर्त मत्वःतल धाःसा सार्वजनिक रुपं द्वहं स्यानाः क्यनेगु जुइ धकाः आदिवासी जनजातितय्सं ख्याच्वः बीवं उमित त्वःता हःगु खः । त्वःतूपिं झिम्हेसितं धरानय् छगू ज्याझ्वःया दथुइ आदिवासी जनजाति संस्थातय्सं सम्मान याःगु दु ।

येँ- दांगय् जूगु गाडी दुर्घटनाय् लानाः मदुपिं शिक्षक व विद्यार्थीतय्त म्हतिं ५ लाख तका बीगु जूगु दु । पोटेन्सियल बीमा कम्पनीपाखें थ्व दां बीत्यंगु बारे नमस्ते यातायातं म्हिगः छगू पत्रकार सम्मेलन यासें जानकारी बिउगु खः । लिसें उगु दुर्घटनाय् लानाः मदुपिं यातायात मजदूरतय्त म्हतिं १० लाख तका बीगु जूगु दु । थ्वहे झ्वलय् थ्वहे दुर्घटनापाखें शिक्षा कयाः ट्राफिक […]

येँ – स्मार्ट लाइसेन्स छपाईया जिम्मा काःगु मालिका इन्कर्पोरिटं २ लाख लाइसेन्स छापे यायेधुंकूगु दु । ६ लाख लाइसेन्स छापे यायेगु जिम्मा काःगु कर्पोरिटं २ लाख लाइसेन्स छपाई यानाः यातायात व्यवस्था विभागयात हस्तान्तरण यायेधुंकूगु दु । विभागया प्रवक्ता गोकर्णप्रसाद उपाध्ययया कथं विभागय् वःगु लाइसेन्स इनेगु ज्या नं शुरु जुइधुंकूगु दु । लाइसेन्स छापे यायेगु झ्वलय् प्राविधिक समस्या वयाः […]

येँ -सिन्धुपाल्चोक केन्द्रविन्दु जुयाः म्हिगः सुथय् भुखाय् ब्वःगु दु । खानी तथा भूगर्भ विमाग, राष्ट्रिय भूकम्प मापन केन्द्रया कथं म्हिगः सुथय् ५ बजे जुयाः ६ मिनेट वंगु इलय् सिन्धुपाल्चोकया सेलाङ जःखः केन्द्रविन्दु जुयाः ४.७ रेक्टर स्केलया भुखाय् ब्वःगु खँ धाःगु दु । भुखाय्या धक्का झिगू सेकेन्ड तक महसुस जूगु दु । भुखाय्या धक्का स्वनिगलय् नं महसुस याःगु खः ।