स्वनिगः

येँ – येँ महानगरपालिका व तोखा नगरपालिका दथुइ बाल उद्यान निर्माणया निंतिं छगू सम्झौता जूगु दु । तोखाय् दयेकीगु बालमैत्री उद्यान या निंतिं निगू नगरपालिका दथुइ उगु सम्झौता जूगु खः । थनया राष्ट्रिय सभागृहय् जूगु छगू ज्याझ्वःया दथुइ सम्झौता पती येँ मनपाया मेयर विद्यासुन्दर शाक्य व तोखा नपाया मेयर प्रकाश अधिकारीं ल्हाःचिं तयादीगु खः । सम्झौतापती स्वदँया दुने […]

येँ – थनया बसन्तपू लाय्कुलिइ च्वंगु गुतँजाः (नौतले) देगःया निंतिं माःगु सिँया ज्या धमाधम जुयाच्वंगु दु । २०७२ सालया तःभुखाचं बछि धइथें बांमलाक दुना वःगु देगःया पुनःनिर्माण यायेगु ज्या जुयाच्वंगु दुसा उकिया निंतिं माःगु सिँया ज्या दक्वं छाउनीइ च्वंगु राष्ट्रिय संग्रहालयय् जुयाच्वंगु दु । देगःया हे पुलांगु व स्यंगु सिँयात मर्मत यायेगु नापं पुलांगु कलाकृतिया संरचनाया काष्ठकलाया […]

येँ – स्वनिगःया अतिकं व्यस्तगु लागाय् सतक पेटी हे कब्जा यानाः पसः तयेगु सामान्य खँ जुइधुंकूगु दु । पसःथुवालं थःगु पसःया सामान जक उकथं कब्जा यानाः तइगु मखसे फुटपाथ पसल्यातय्त तकं थःथाय् सामान तयेकाः सतक पेटी कब्जा यायेगु ज्याय् मचायेकं ग्वाहालि याना वयाच्वंगु दु । आः येँ महानगरपालिकां उकथं सतक पेटी कब्जा यानाः पसः तइपिंत कारवाही यायेगु […]

थिमि – ख्वप जिल्ला अदालतं थनया ८ वडाय् च्वंगु कमलपुखू (पलेस्वां पुखू) सार्वजनिक जूगु फैसला न्यंकूगु दु । अदालतं मध्यपुर थिमि नगरपालिका अन्तर्गत साविकया वडा नं. ८ य् बोडे क्षेत्रय् च्वंगु पुखू सार्वजनिक जूगु फैसला न्यंकूगु खः । अदालतया न्यायाधिश मातृकाप्रसाद मरासिनीया इजलासं वंगु असार १९ गते मगलवाः उगु ऐतिहासिक पुखू सार्वजनिक भोगचलन याये दइकथं फैसला न्यंकूगु […]

स्वनिगलय् अप्वया वनाच्वंगु सवारी साधनया कारणं अस्तव्यस्त जुयाच्वंगु ट्राफिक व्यवस्थाया निंतिं अस्थायी पार्किङया व्यवस्था याःगु दु । ट्राफिक व्यवस्थापनयात सहज यायेत स्वनिगःया थीथी १४३ गू थासय् निचाः घःचाः व प्यचाः घःचाः दुगु सवारी साधनयात अस्थायी पार्किङ व्यवस्था मिले याःगु दु । येँ महानगरपालिकाया सहकार्यय् महानगरीय ट्राफिक प्रहरी महाशाखां स्वनिगःया ६० गू थासय् ट्याक्सी, ८३ गू थासय् कार […]

येँ – येँदेय् आः छुं न्हि फोहोर मुं मवइगु जूगु दु । थनया फोहोर वायेगु ल्याण्डफिल्ड साइट वनेगु सिसडोलया लँ स्यंगुलिं फोहोर वाये मफइगु जुयाः फोहोर मुनेज्या बन्द जुइत्यंगु खः । आः उगु लँ दयेकीगु जूगुलिं दयेके सिमधःतले नगरवासीतय्सं फोहोर फुक्क थःथःपिनि छेँय् हे व्यवस्थापन यायेत मनपां इनाप याःगु दु । लँ दयेकेत छुं न्हि काइगु खँ नं […]