अन्तर्राष्ट्रिय

भारतया उत्तरपूर्वी राज्य मिजोरमया छगू चर्चं प्यम्ह वा व स्वयां अप्वः मस्त बुइकूपिं मिजो जनजातिया तिपूयात प्रोत्साहन कथं ध्यबा बीगु घोषणा याःगु दु । मिजो जातिया जन्मदर मदिक्क म्हो जुया वनाच्वंगुलिं चर्चं थ्व घोषणा याःगु खः । मिजोरमय् मिजो जनजातिया जनसंख्या म्हो जुया वनाच्वंगुलिं मिजो संगठन व चर्चत चिन्तित जुयाच्वंगु दु । थ्वयां न्ह्यव नं […]

अमेरिकाया हवाई राज्यया गभर्नर डेभिड इगेइ थन मिसाइल आक्रमण जुइत्यन धकाः वंगु गलत सन्देशयात कयाः क्षमा फ्वना दीगु दु । छम्ह कर्मचारीं थःगु ज्या क्वचायेत्ययेकाः गलत बटन तियाबिउगुलिं गलत सुचं वंगु धासें गभर्नरं क्षमा फ्वंगु खः । शनिवाः सुथय् ८ बजे पाखे वंगु थ्व सन्देशं यानाः हवाइया स्थानीय मनूतय्त धाःसा तसकं तनाव यानाबिउगुृ खः । […]

घानाय् स्कुलया मिस्तय्त थीमजिउ जुयाच्वंगु इलय् छपु खुसि छीत प्रतिबन्ध तयाबिउगु दु । आफिन खुसिइ दयेका तःगु तां वनेत हे प्रतिबन्ध तयाबिउगु खः । थ्व खुसियात कयाः धार्मिक मान्यता दुगु कारणं वंग मंगलवाःनिसें थीमजिउ जूपिं मिस्तय्सं तां वनेत पनाबिउगु खः । थ्व प्रतिबन्धं यानाः मस्तय् अधिकारयात कयाः ज्या यानाच्वंपिं अधिकारकर्मीत तसकं तम्वयाच्वंगु दु । विशेषत […]

श्रीलंकाय् खुइदँ लिपा न्हापांखुसी झिंच्यादँ पूवनेधुंकूपिं मिस्तय्सं नं अय्लाः न्यायेदइगु जूगु दु । सरकारं थथे मिस्तय्सं नं अय्लाः न्यायेदइगु निर्णय यायेवं देय्न्यंकं थीथी चर्चा परिचर्चा सुरु जूगु दु । सरकारं मिस्तय्त विभेद जूगु स्वीकार यासें सन् १९५५ या छगू कानुन संशोधन यायेगु तयारी याःगु दु । बुधवाः थ्व कानुन परिमार्जन यायेगु घोषणा याःगु खः । थुकीया मतलब आः मिस्तय्सं […]

म्यानमारया सेनां न्हापांखुसी रखाइन प्रान्तय् जूगु हिंसाय् रोहिंग्या मुस्मांतय् हत्याय् सेना संलग्न दुगु खँ स्वीकार याःगु दु । तर सेनां छगू जक घटनाय् सेना संलग्न दुगु खँ धाःगु दु । सेनाया कथं छानविनया इलय् म्यांग्दो छगू गामय् झिम्ह मुस्मांतय् हत्या जूगु घटनाय् प्यम्ह सैनिक जवान संलग्न दुगु लूगु खः । सेनां थुपिं प्यम्हेसिनं प्रतिशोधया भावनां […]

क्यानाडां अमेरिकाया व्यापारि नीतिया विरुद्ध तच्वःगु सः थ्वयेकूगु दु । विश्व व्यापार संगठनय् क्यानाडां अमेरिकाविरुद्ध व्यापक उजुरी दर्ता याःगु दु । समाचार एजेन्सी रोयटर्सया कथं निगू देय् दथुया थ्व विवाद लिपा अमेरिकां क्यानाडां थथे उजुरी यानाः थःत हे नोक्सान यानाच्वंगु खँ धाःगु दु । लिसें अमेरिकां क्यानाडा चीनया ल्हातय् प्याखं हुलाच्वंगु द्वपं नं बिउगु दु […]