बुखँ

येँ- येँय् नं उत्तरय् लाःगु ऐतिहासिक नेवाः बस्ती तोखायात धार्मिक पर्यटकीय नगरीया रुपय् विकास याइगु जूगु दु । उकिया निंतिं तोखा नगरपालिकां छगू गुरुयोजना नं तयार यायेधुंकूगु दु । तोखा देय्यात धार्मिक पर्यटकीयस्थलया रुपय् विकास यायेगु ल्याखं गुरुयोजनातकं तयार जुइधुंकूगु तोखा नगरपालिकाया उपप्रमुख ज्ञानमाया डंगोलं जानकारी बियादीगु दु । तोखा दुने लाःगु ऐतिहासिक व धार्मिक महत्वया थाय्बाय् सपनतीर्थ, […]

येँ –कलिङ इन्ष्टिच्यूट अफ सोसल साइन्सपाखें शुक्रवाः थीथी न्यागू वृद्धाश्रम व अनाथालयय् नसाज्वलं इनेगु ज्या याःगु दु । सर्वहित नेपालया अध्यक्ष विनोद तुलाधर लिसें शैलेन्द्र रत्न तुलाधर, सैल्जा तुलाधरं ज्याझ्वलय् ग्वाहालि यानादीगु खः ।

येँ – संविधान संशोधन यायेगु खँय् ग्यारेन्टी दत धाःसा संघीय समाजवादी फोरम नं सरकारय् वनेगु खँ पार्टीया अध्यक्ष उपेन्द्र यादवं धयादीगु दु । विराटनगरय् पार्टीपाखें याःगु पत्रकार सम्मेलनय् न्ववायेगु झ्वलय् वय्कलं उगु खँ धयादीगु खः । वय्कलं संविधान संशोधन, सरकारय् पार्टीया भूमिका व संघीयता कार्यान्वयन थेंज्याःगु मुद्दा सम्बोधन जुल धाःसा थःपिं नं सरकारय् वने फइगु खँ नं […]

येँ – एमाले व माओवादी निगू वाम पार्टी दथुइ जूगु एकीकरणय् छुटे जू वंम्ह पूर्व माओवादी नेता लिसें नयाँ शक्ति पार्टीया संयोजक डा. बाबुराम भट्टराईनं पार्टी एकताया घोषणा क्वचाये न्ह्यः हे एकताया बारे सामाजिक सञ्जाल मार्फत थःगु बिचाः तयादीगु दु । थःगु बिचाः तसें वय्कलं थ्व एकतायात एमालेया हे बिचाः दुने माओवादी एकीकृत जूवंगु धकाः टिप्पणी […]

यल – यलया संग्रहालय स्वयेत वइपिं आन्तरिक पर्यटनत थौंकन्हय् धमाधम अप्वयाच्वंगु दु । संग्रहालय छुं दँ न्ह्यवंनिसें आन्तरिक पर्यटन अप्वया वनाच्वंगु खँ संग्रहालयया प्रमुख सुरेश लाखें कनादीगु दु । वय्कलं कनादीकथं संग्रहालय चाःहिलेत अप्वः धइथें विद्यार्थीत वयेगु यानाच्वंगु दु । न्हापा केशवनारयाण चुकय् जक संग्रहालय दुगु खःसा आः उकियात विस्तार यानाः मूल चोक व सुन्दरी चोक तक न्यंके […]

येँ – धराहराया दक्षिणपाखे गुथि संस्थानं टेन्डर आह्वान यानाः दयेकेत्यंगु छेँ येँ महानगरपालिकां हाकनं पना बिउगु दु ।टेन्डर लाकूगु संस्थां मनपां निर्माण यायेगु ज्या दिकेधुंकाः जिल्ला अदालतय् मुद्दा तःगु खःसा उगु मुद्दां त्यायेवं हाकनं छेँ दनेगु ज्या न्ह्याकूगु खः । तर मनपां उकियात हाकनं पना बिउगु दु । येँ मनपाया उपमेयर हरिप्रभा खड्गी श्रेष्ठं खुल्ला थासय् व्यापारिक भवन […]