प्रधानमन्त्रीया ख्याच्वः

येँ (नेपालभाषाा टाइम्स)- प्रधानमन्त्री पुष्पकमल दाहालं आः सुं नं मन्त्रीं संघीयता विरुद्ध न्ववात धाःसा स्पष्टीकरण न्यनेगु ख्याच्वः बियादीगु दु । म्हिगः राष्ट्रियसभाय् न्ववासें वय्कलं संवि–धानया मर्म कथं न्ह्याःवनेत मन्त्रीतय्त निर्देशन बियादीगु खः । वय्कलं धयादिल, ‘संघीयता खारेज यायेमाल धइगु खँ मन्त्री वा सांसदतय्सं न्ह्यथना धाःसा स्पष्टीकरणया विषय जुइ । मन्त्रिपरिषद् दुने च्वनाः संघीयता व लोकतन्त्र विरुद्ध अभिव्यक्ति बी मदु, सांसदतय्सं वा पिने दुपिंसं थःगु धापू तयेदइ, तर मन्त्रिपरिषद दुने च्वनाः अथे धाये दइमखु, थुकी जिगु गम्भीर ध्यानाकर्षण जूगु दु । थुकी स्पष्टीकरण कायेगु जुइ ।’