संस्कृति

देशय् तःभुखाय् ब्वःगु स्वदँ फुनाः प्यदँय् क्यने धुंकूगु दु । तःभुखाय् ब्वःगु स्वदँ फुइ धुंकाः नं आपालं सम्पदा पुनःनिर्माण जुइ फुगु मदुनि । छगू ल्याखं धायेगु खःसा सम्पदा पुनःनिर्माणय् उदासीनता खने दयाच्वंगु दु । तःभुखाचं क्षति जूगु १,५९८ सम्पदा मध्ये थ्व स्वदँया दुने जम्मा ७९ गू अर्थात ४.ढ४ प्रतिशत सम्पदाया जक पुनःनिर्माण जूगु दु । पुरातत्व विभागं पिथंगु भुखाचं […]

यल – तःताजि संस्कृति दुगु नेवाः समाज दुने अप्वःसिनं ७७ दँ ७ ला ७ दिं ७ पला ७ घडी जुल कि जँक्व याइगु सिउ । अले निक्वः जंक्व नापं स्वक्वः जंक्व याइगु नं मनूतय्सं सिउ । प्यक्वः जंक्व याइगु म्हो जक मनूतय्सं सिउ । प्यक्वः जंक्व म्हो जक जुइगु जुया मनूतय्सं अप्वः चर्चा यायेगु याः […]

यल – थौं थनया जावलाख्यलय् बुंगद्यःया भोटो क्यनीगु जात्रा जुइत्यंगु दु । थनि प्यन्हु न्ह्यः बुंगद्यःया रथयात थति त्वालं सालाः जावलाख्यलय् याः न्यायेकूगु खः । थौं भोटो क्यने धुनेवं बुंगद्यःया थुगुसीया जात्रा नं क्वचाइ । भोटो जात्रा सिधेकाः बुंगद्यःयात खतय् तयाः उखें तुं बुंगय् यंकी । थौं भोटो जात्रा स्वयेत राष्ट्रपति विद्या भण्डारी झाइगु ग्वसाः दु ।

यल- बुंगद्यः थौं सालीगु जूगु दु । थौं थति त्वालं सालाः जावलाख्यलय् थ्यंकी । बुंगद्यः जावलाख्यः थ्यंगु प्यन्हु लिपा भोटो क्यनेगु जात्रा याइ । थौं याः न्यात धाःसा भोटो जात्रा वैशाख ३० गते न्यायेकी । भोटो जात्रा स्वयेगु निंतिं राष्ट्र प्रमुख वयेमाःगु चलन दु । थौं द्यः सालेगु निंतिं म्हिगः बुंगद्यःयात नैंक्यालं लुकूगु खः । भोटो क्यने क्वचायेवं बुगद्यःयात बुंगय् बिज्याकी । […]

देय्या हे दकलय् ताःहाकःगु जात्राकथं कयातःगु बुंगद्यःया जात्रा थुगुसी धाःसा याकनं सिधइगु जुयाच्वंगु दु । झण्डै निला वा व स्वयां नं ताःहाकः न्ह्याइगु जात्रा थुगुसी धाःसा याकनं क्वचायेत्यंगु दु । वंगु बैशाख ४ गते द्यः रथय् बिज्याकाः शुरु जूगु बुंगद्यःया जात्रा थुगुसीइ थ्व हे बैशाख ३० गते सिधइगु साइत पिहां वयेधुंकूगु दु । यदि आः ज्याउलापि सालीगु इलय् […]

यल – बुंगद्यः थ्वहे वइगु २७ गते थति त्वालं जावलाख्यलय् सालीगुु जूगु दु । म्हिगः थनया भिंद्यः देगःया न्ह्यःने च्वंगु मणिमण्डपय् ज्योतिष कीर्तिकिरण जोशी व पूर्णमंगल जोशीं उगु साइत पिकयादीगु खः । २७ गते द्यः सालाः याः न्यात धाःसा वयां प्यन्हु लिपा भोटो जात्रा जुइ । थ्व ल्याखं वइगु वैशाख ३० गते भोटो जात्रा जुइफु […]