मेमेगु

येँ (नेपालभाषा टाइम्स)- येँ महानगरपालिकायां महानगर दिवसया लसताय् स्वम्ह नेवाः व्यक्तित्वतय्त हनीगु जूगु दु । येँ मनपाया स्वीक्वःगु महानगर दिवसया लसताय् नेवाः न्ह्युलवा लिसें मानव अधिकारकर्मी मल्ल के. सुन्दर, नांजाःम्ह चित्रकार किरण मानन्धर व साहित्यकार प्रकाश साय्मियात हनेत्यंगु खः । येँया सैनिक मञ्चय् उपराष्ट्रपति रामसहाय यादवया प्रमुख आतिथ्यताय् जुइगु ज्याझ्वलय् वय्कःपिं हनेत्यंगु खः ।

वइगु मंसिर १६ गते जुइत्यंगु स्थानीय तहया उपचुनावय् किपू नगरपालिकाया मेयर पदय् नेकपा एमालेपाखें संविधानविद् डा. सुरेन्द्र मानन्धरं उम्मेदवारी बियादीगु दु । थुगु चुनावय् वय्कःया मुद्दा, त्याइगु आधार, त्याइगु सम्भावना आदि बारे नेपालभाषा टाइम्सया निंतिं तेजनारायण महर्जनं यानादीगु खँल्हाबल्हाया सारसंक्षेप छिगु उम्मेदवारी छुकिया निंतिं खः ? किपू सांस्कृतिया ल्याखं, सम्पदाया ल्याखं, पर्यटन, शिक्षा, स्वास्थ्य, रोजगारीया […]

कला व ललितकलां भय्बियाच्वंगु प्राचीन व ऐतिहासिक नगर ललितपुर (यल) महानगरयात विश्व कला परिषदं कलानगरी घोषणा यायेधुंकूगु दु । यल देय् काष्ठकला, धातुकला व प्रस्तरकलाया निंतिं हलिमय् नां जाः । धातुकला व धातु मुर्तिकलाया लागिं खास यानाः उबाहाःया नां बिस्कं हे जाः। वंगु २०८१ असार २७ गते नेपाल सरकारपाखें स्थापित राष्ट्रिय तथा प्रादेशिक प्रतिभा पुरस्कार अन्तर्गत ललितकला […]

श्लोक सिंह श्रेष्ठ नमूना आवासीय मावि, कक्षा ८, पर्वत कुस्मा मोहनि लिपा दकलतय् तःधंगु नखः स्वन्ति नेपाःमितय् छगू विशेष नखः खः । क्वःपुजा निसें किजापुजा तक यानाः स्वन्ति नखः न्यान्हु तक हनी । जिमिगु स्कुलय् मोहनि निसें हे स्वन्ति तक बिदा जुइ । स्वन्ति सुरु जुइवं हे जिपिं पासापिं जानाः देउसी भैली म्हितः वनेगु, पटका […]

येँ (नेपालभाषा टाइम्स)÷ येँ त्यंगःया स्वेत गणेश बचत तथा ऋण सहकारी संस्थाया झिंखुक्वःगु साधारण सभा क्वचाःगु दु । चःमति ब्यांक्वेटय् संस्थाया अध्यक्ष मचाकाजी महर्जनया सभापतित्वय् जूगु साधारण सभाय् मू पाहाँ कथं येँ महानगरपालिका २५वडाया अध्यक्ष राजेश डंगोल, पाहाँ कथं मू गुरु नाति महर्जन व त्वाः थाकुलि रामबहादु महर्जन झाःगु खः । साधारण सभाय् सचिव पूर्णकाजी महर्जनं न्ह्यब्वयादीगु […]

येँ (नेपालभाषा टाइम्स)÷ नेवाः अर्गनाइजेशन अफ अमेरिका, सियाटल कचाया ग्वसालय् थुगु वाःनिसें नेपालभाषा स्यनेगु ज्या जूगु दु । नेवाः भाय् मसःपिं नेवाः, गैर नेवाः व अमेरिकनतसें थुगु कक्षाय् ब्वति कयाच्वंगु दु । शिकागोय् च्वनाच्वनादीम्ह नेपालभाषाया बाखं च्वमि लिसें हलिं नेवाः दबू अमेरिका कक्षाया सिनियर भाइस प्रेसिडेन्ट केशरमान ताम्राकार पाखे जूम प्रविधि छ्यलाः प्रत्येक सोमवाः बहनी ६ निसें […]