येँ- नेपाःया घुमन्ते कलाकार भाजु श्रामदीप रञ्जना लिपिं च्वयातःगु थःगु छपाः किपा नापं च्वनाच्वंगु खनेदु । वय्कः नेपाःया रञ्जना लिपियात विश्वन्यंकं प्रचार यायेगु अभियान ज्वनाः चाःहिला च्वनादीगु दु । थ्व किपा वय्कलं कोलम्बियाय् च्वयादीगु खः । रञ्जना लिपियात फक्व कलात्मक व आकर्षक ढंगं क्यालिग्राफिक शैलीं च्वयेगु वय्कःया कलाया विशेषता खः । वय्कलं दक्षिण अमेरिकी देश ब्राजिल, पेरु, कोलम्बिया लगायत […]

राज्य व्यवस्था समितियाःपाखें स्थानीय जनतालिसे अन्तक्र्रिया येँ – नेपाली सेनां दयेकाच्वंगु फास्ट ट्राय्कं स्वनिगःया स्थानीय जनताया वस्ती प्रभावित यानाच्वंगु खँयात कयाः प्रतिनिधिसभाया राज्य व्यवस्था समितिं चिउताः प्वंकूगु दु । थ्व झ्वलय् म्हिगः राज्य व्यवस्था समितिया छगू पुचः हे बुंगय् वनाः स्थानीय जनता लिसे थुकिया बारे सहलह ब्याकूगु खः । समितिया सभापति शशी श्रेष्ठया नेतृत्वय् वंगु सांसदतय् पुचलं […]

यल- नेपालभाषा एकेदेमिं दँय्दसं बिया वयाच्वंगु दान्यहिरा सिरपाः थुगुसी समालोचक प्राध्यापक माणिकलाल श्रेष्ठयात लःल्हाःगु दु । म्हिगः छगू ज्याझ्वः यासें एकेदेमिया संरक्षक वाङ्मय शताब्दीपुरुष सत्यमोहन जोशीं वय्कःया कायः डा. सितुलाल श्रेष्ठयात सिरपाः लःल्हानादिल । प्रा. श्रेष्ठ उसाँय् मदयाः अस्पताल भर्ना जुयाच्वनादीगुलिं वय्कःया कायं सिरपाः लःल्हानाः कयादीगु खः । ज्याझ्वलय् एकेदेमिया चान्सलर चित्तरञ्ज नेपालीं सिरपाः त्याकादीपिंत स्वां लःल्हानादीगु खःसा […]

श्रीलंकाय् जारी जुयाच्वंगु राजनीतिक संकट थौंकन्हय् तसकं चर्चाय् दु । विदेशी मिडियां चीनयात थ्व संकटय् दुथ्याका स्वया हयेवं चिनिया मिडियां थुकिया आलोचना यानाहःगु दु ।चिनियाँ मिडियाया कथं चीन व भारतया निंतिं श्रीलंकाय् ग्वाहालि अप्वयेकेगु तःधंगु सम्भावना दु । चीनया विदेश मन्त्रालयं २९ अक्टोवरय् छगू वक्तव्य जारी यासें धाःगु दु, ‘चीन श्रीलंकाया सकलें पक्षलिसे मैत्रीपूर्ण सम्बन्ध […]

येँ महानगरपालिका वडा नं. १८ ताम्सिपाखाय् थुगुसी न्हापांखुसी नेपाल संवत् ११३९ न्हूदँ क्यनीगु लसताय् सांगीतिक ज्याझ्वःलिसें कला व शीप प्रवद्र्धन यायेगु ताः तयाः ‘१८ वडा महोत्सव’ यायेत्यंगु दु । स्थानीय निकायय् जनप्रतिनिधि वःगु दछि लिपा हे स्थानीय निकायय् आपालं अधिकार कायम जुइधुंकाः थुकथंया महोत्सवया ग्वसाः ग्वयेत्यंगु खः । थुकिया लागिं समाजसेवी कथं न्हापांनिसें हे नांजाम्ह येँ मनपा […]

येँ – तरकारी, खाद्यान्नया उत्पादन थें स्वांया उत्पादन नं कृषि पेशा खः धयागु थुइके मफयाः स्वां आयात म्हो याये मफयाच्वंगु दु । थुगुसी नं स्वन्तिबलय् थ्यंमथ्यं स्वंगू लाख स्वांमाः भारतं आयात जुइगु अनुमान जुयाच्वंगु दु ।फ्लोरिकल्चर एशोसियसन नेपालया अध्यक्ष कुमार कसजुया कथं स्वन्तिबलय् स्वांमाः मगाइ थें च्वंगुलिं थ्यंथ्यं झिंछगू करोड तका बराबरया ४५ गू जातया स्वंगूलाख स्वांमाः […]