शुक्रवाःया तँसापौ

कागति-लः अथवा कागति म्हयागु स्वस्थ विकासया निंतिं तसकं आवश्यक तत्व खः। कागतिइ दुगु भिटामिन सीं मेमेगु गुलिखे भिटामिनलिसे जानाः म्हयात स्वस्थ यानातयेत तसकं महत्वपूर्ण भूमिका म्हिती । थ्वया लिसें छ्यगूयात स्वस्थ यानातयेत व म्हयात अःखः परिस्थितिइ ल्वय् नाप ल्वायेगु क्षमता दयेकाबीत भिटामिन सी मदयेक हे मगाः । मखु धयागु खःसा म्हय् थीथी कथंया ल्वचं कइ, अले ल्वय्लिसे ल्वायेगु क्षमता नं पाः जुयावनी । […]

बुद्ध जन्मभूमिया रुपय् जक सीमित मजुसे बुद्ध दर्शन, ज्ञान, शिक्षा, बुद्ध जीवनीया बारे नं आपालं जानकारी कायेगु अथाह सागर खः लुम्बिनी । उकिं बुद्ध जन्मभूमिलिसें बुद्धया आपालं खँ सयेके सीके यायेगु व जानकारी कायेगु निंतिं नं छगू प्राकृतिक रुपय् हे खुल्ला संग्रहालयया रुपय् परिचित जुयाच्वंगु दु लुम्बिनी । लुम्बिनी चाःहिलेत वनीपिं अप्वःथें स्वदेशी वा वाह्य पर्यटकतसें त्वःमफिकुसे […]

२०७२ सालया तःभुखाचय् लानाः आ पालं मनूतय् छेँ मन्त । गुलिस्यां छेँया दुजःपिं मन्तसा गुलिं शारीरिक रुपं अपांग जुयाः च्वने माल । नेपाली समाजय् तःभुखाचं लाकूगु लिच्वःया आपालं बाखं पिहां वयेधुंकूगु दु । अथे खःसां तःभुखाय्या हे कारणं गुलिखे मनूतय् छेँय् सदियौंनिसें लानाच्वंगु पुलां पुलांगु सफूत गन तये गन तये जुयाः आशा सफूकुथियात दान बी […]

हिन्दी चिबाखं सुशीलकुमार उपाध्याय छम्ह फ्वगिंनं रेलयात्रुतय्के फ्वनेगु झ्वलय् छम्ह सूट फिनातःम्ह साहुजीयात खन । वं बिचाः यात कि थ्व मनू तःमिम्ह थें च्वं । थ्वयाके फ्वन धाःसा ला भचा आपाः हे ध्यबा बी जुइ । वं साहुयाके फ्वंवन । फ्वगिंयात स्वस्वं उम्ह साहुं धाल, ‘छं न्ह्याबलें फ्वना जक च्वनी । छं गबलें सुयातं छुं बियागु नं दु ला ?’ फ्वगिं […]

सुन्दरगढय् जुजु इन्द्रसेनया राज्य दु। व दुष्ट स्वभावयाम्ह खः । गबलें गबलें वयाके वेंहू नं वः । चिचिधंगु अपराधय् नं वं फाँसीया सजाय न्यंकाबी यः । इन्द्रसेनं दरबारय् सुं छम्ह न्हूम्ह मनू वलकि वयागु न्ह्यःने लुँम्वः वांछ्वयाबीगु याइ । व न्हू वःम्ह मनुखं उगु लुँम्वः मुनाकाल धाःसा जुजुया कर्मचारीं ज्वनाः वयात झ्यालखानाय् कुनाबी । लिपा लाय्कूया ध्यबा खुयाकाःगु धकाः पाः यानाः वयात फाँसी बियाबी । […]

बक्सर कःलि डेकापोड नांगु परिवारया दुजः खः । थुपिं जनावरतय्गु क्रस्टेशियन्स क्लासया दकलय् तःधंगु गु्रप खः । डेकापोड अज्याःपिं जीवनत खः, गुपिंके न्यापा तुतिया न्याज्वः दइ । थुगु ग्रुपय् लोबस्टर, श्रिम्पस, क्रेफिश व कःलि लाः वः । डेकापोडस आकारय् दकलय् तःधिकःम्ह आथ्रोप्रोड खः। थुपिं मध्ये छम्ह सदस्य – जापानी माकःचाया तुति ला ४ मीटर तक ताःहाकः जुइफु । बक्सर कःलिया झिपा […]