मेमेगु

सुजनबिलास बज्राचार्य संसारय् मनूयात द्यःभाःपियाः राज्यं हे हनीगु चलन गनं दुसा व नेपालय् हे जक दु । छम्ह मिसामचायात द्यःदयेकाः याइगु परम्परा विश्वया नितिं हे तसकं अजू चायापुगु खँ खः । उकिसनं हिन्दू व बौद्धतय्गु मंकाः द्यःकथं हनीगुलिं विदेशी विद्वान्तय्गु नितिं नंथ्व छगू अनुसन्धानया बिषय जुयाच्वंगु दु । हिन्दू धर्म आस्तिक धर्म खःसा बौद्ध धर्म […]

२०४७ सालपाखे तात्कालीन नेपाल राजकीय प्रज्ञा प्रतिष्ठानय् दँय्दसं जुइगु ‘चुलिंचिया चंचं धेंधेंबल्लाः कासा’ ज्याझ्वः स्वस्वं उकिं हे प्रभावित जुयाः थौं स्वयां २५ दँ न्ह्यः नृत्य ख्यलय् दुहां वःम्ह रिना महर्जन थौंकन्हय् छम्ह नांजाःम्ह व व्यावसायिक नृत्य निर्देशककथं म्हसिउ । बालनारायण महर्जन व चिनिकुमारी महर्जनया कोखं येँया ओमबहाः त्वालय् जन्म जूम्ह रिना थौंकन्हय् छत्रपातिइ च्वनादी । […]

न्ह्यखँ बलिउड धयातःगु भारतया हिन्दी फिल्मख्यलय् जक मखसे भारतया हे न्हापांम्ह सुपरस्टार कथं राजेश खन्नायात कयातःगु दु । सन् १९६६÷६७ पाखे “आखरी खत” नांयागु फिल्मपाखें फिल्मख्यलय् पलाः न्ह्याकूम्ह राजेश खन्नाया न्हापांगु फिल्मं स्वकुमिया नुगः साले मफुत । उलिजक मखसे व धुंकाः पिदंगु “बहारों के सपने” नं स्वकुमिया जुगः त्याके मफ्mुुत । थुकथं फ्लप फिल्मपाखे पलाः […]

रबीन्द्रमान ताम्राकार बि.सं. २०७२ साल बैसाख १२ गते तःभुखाय् ब्वये न्ह्यः युनेस्कोया विश्व सम्पदा धलखय् दुथ्यानाच्वंगु स्वयम्भू महाचैत्य लागाय् लाःगु कर्मराज महाविहार दुने स्थापना जुयाच्वंम्ह १२ फिट जाः दुम्ह सिजः पाताय् लुं सिया तःम्ह शाक्यमुनि बुद्धया मूर्ति येँ महानगरपालिका वडा नं. २७ स्थित महाःबू त्वाः तवः बहालय् (बोधिप्रनिधि बिहार) च्वंम्ह मदुम्ह भाजु जुजुमान ताम्राकारं दान […]

शिलकुमारी महर्जन नेवाःतय्सं हना वयाच्वंगु संस्कार–संस्कृति यक्व हे दु । मचाबलय् यायेगु संस्कार, ल्याय्म्हया इलय् यायेगु संस्कार, वयस्क जुइधुंकाः यायेगु संस्कार व सीबलय् संस्कार थीथी कथं नेवाःतय्सं हना वयाच्वंगु दु । नेवाःतय्सं मचा–संस्कारया रुपय हनावयाच्वंगु विशेष कथंया संस्कार मचाबु ब्यंकेगु खः । मचा बूगु प्यन्हु, खुन्हु अथवा झिंनिन्हु दुकुन्हु छेँ छखां सुचुपिचु यानाः छेँय् न्हूम्ह […]

हिमेश थ्व इलय् जापान छगुलिं लसतां भय् बियाच्वंगु जुइमाःगु खः । न्ह्याथाय् स्वःसां न्हिलासु खनेदयेमाःगु खः । ओलम्पिकया ग्वसाः ग्वये धयाःगु छुं नं देय्या नितिं थः गुलि बल्लाः व समृद्ध धकाः क्यनेगु ई खः । थ्व बल्लाः धयागु ध्यबाया शक्तिं जक मखु, मेमेगु यक्व खं खः । थ्व इलय् जापानं ओलम्पिक ग्वसाः ग्वयाच्वंगु दु, अय्नं […]