नेवाःख्यः

येँ- स्वनिगःया नेवाःतय्त वयाच्वंगु विस्थापनया समस्यायात कयाः थौं छगू सहलह ज्याझ्वः जुइत्यंगु दु । थीथी लागाय् सतक विस्तार, थँबहिली छायादेवी कम्प्लेक्स निर्माण, फास्ट ट्राय्क, धरहराय् स्थानीय लागा अतिक्रमण, लगंख्यःया सप्तपाताल अतिक्रमण आदि मुद्दाय् नेवाः सरोकार क्यनेगु ताः तयाः उगु सहलह जुइत्यंगु खः । हलिं नेवाः दबू नेपाः देय् मूकवःया ग्वसालय् कोपुण्डोलया सातोआकी भवनय् जुइगु उगु सहलह मुँज्याय् […]

थिमि- राष्ट्रिय विभूति शंखधर साख्वाः प्रतिष्ठानया स्वक्वःगु अधिवेशन वंगु आइतवाः जुल । अधिवेशनं प्रतिष्ठानया न्हूगु ज्यासना पुचः नं ल्यःगु दु । चन्दनकृष्ण श्रेष्ठया नेतृत्वय् प्रतिष्ठानया न्हूगु ज्यासना पुचः ल्यःगु खः । न्हूगु ज्यासना पुचलय् ज्ञानराम श्रेष्ठ उपाध्यक्ष, ज्ञानकृष्ण श्रेष्ठ सचिव, बाबुकाजी श्रेष्ठ सहसचिव, सुरेश प्रधान कोषाध्यक्ष जुयादीगु दु । प्रतिष्ठानया निवर्तमान नायः श्यामकृष्ण मानन्धरं बियादीगु जानकारी कथं न्हूगु ज्यासना […]

येँ – भाषासेवी, साहित्यकार नातिबज्र वज्राचार्यया अन्तिम संस्कारया निंतिं तयारी सुरु जूगु दु । मदुम्ह वज्राचार्यया थौं हे शोभाभगवति कर्णदीपय अन्तिम संस्कार याइगु जूगु दु । अन्तिम संस्कार याये न्ह्यव थौं सुथंनिसें भोताहिति दगुबहालय् अन्तिम श्रद्धाञ्जलीया निंतिं तःगु खः । वय्कःयात नेपालभाषा ख्यःया थीथी व्यक्तित्वपिंसं दुगुबहालय् वनाः श्रद्धाञ्जली देछाःगु खः । भाषासेवी वज्राचार्य बुधवाः बहनी […]

ख्वप- ख्वप जिल्लास्तरीय निक्वःगु धिमय् बाजं धेंधेंबल्लाः कासा सिरुटारय् च्वंगु लूनिभाः धिमय् खलकं त्याकूगु दु । सरस्वति कला केन्द्रया ग्वसालय् जूगु कासाय् मध्यपुर थिमिया सिवाः साय्मि खलः ‘क’ लिउ, ख्वप नासमनाया न्हूजः धिमय् खलः लियांलिउ व सिवाः साय्मि खलःया हे मचा पुचः ‘ख’ समूहं हःपाः सिरपाः त्याकेत सफल जुल । कासाय् न्हाप लाःगु पुचलं झिंन्याद्वः तका दांलिसें […]

येँ- नेपालभाषा टाइम्स न्हिपौया ग्वसालय् निक्वःगु नेपालभाषा साहित्य नखः–११३९ तःजिक क्वचाल । यलया भन्दाः क्यबय् जूगु साहित्य नखःया उलेज्या स्वनिगःया निगू महानगरपालिकाया मेयरं मंकाःकथं यानादीगु खः । येँ महानगरपालिकाया प्रमुख विद्यासुन्दर शाक्य व यल महानगरपालिकाया प्रमुख चिरिबाबु महर्जनं मंकाःकथं त्वाःदेवाय् मत च्याकाः साहित्य नखःया उलेज्या यानादीगु खः । नेपालभाषा टाइम्स न्हिपौ पिथना संस्था सन्ध्या टाइम्स पिथना प्रा.लिया नायः […]

येँ- वल्र्ड नेवाः अर्गनाइजेसन (डब्लूएनओ) इण्डियन च्याप्टरया न्हापांगु तःमँुज्या जुल । इण्डियन च्याप्टर तदर्थ समितिया नायः शिवप्रसाद (एसपी) प्रधानया सभापतित्वय् न्ह्याःगु ज्याझ्वःया उलेज्या मूपाहां संस्कृतिविद् गणेशराम लाछिं सुकुन्दाय् मत च्याकाः यानादीगु खः । भारतया पश्चिम बंगाल, आसाम, सिक्किम, अरुणाचल, मणिपुर, मेघालय, दिल्ली लगायत थीथी थासय् च्वनाच्वंपिं नेवाःतय् उपस्थिति दुगु तःमुँज्या दार्जिलिंगया तकदाह छाउनी पश्चिम बंगालय् जूगु खः । […]