अर्थ

येँ – नेपाल आयल निगमं पेट्रोलियम पदार्थया भाः थकाःगु दु । निगमं सोमवाः निसें लागू जुइ कथं पेट्रोल, डिजेल व मचिकनय् लिटरय् नितका नितका दां भाः थकाःगु खः । न्हू भाः कथं आः पेट्रोल लिटरया १०५, डिजेल व मचिकं लिटरया ८५ तका थ्यंगु दु ।

येँ – उद्योग विभागय् स्वसःगू स्वयां अप्वः उद्योग दर्ता जूगु दु । चालू आर्थिक दँया च्यालाया दुने स्वदेशी व विदेशी लगानीकर्तां न्हूगु उद्योग दर्ताया निंतिं विभागय् आवेदन बिउगु खः । विभागया कथं मुक्कं आवेदन बिउगु उद्योग मध्ये १९४ गू विदेशी उद्योगया लगानीया खःसा १०८ गू नेपाःमि लगानीकर्तां न्हू दर्ता याःगु खः । विभागया कथं कृषिजन्य १५, ऊर्जामूलक २६, […]

येँ – वइगु स्वला दुने येँ महानगरपालिकाया न्हय्गू थासय् निःशुल्क वाइफाइ सुविधा दइगु जूगु दु । वाइफाइ तयेगु निंतिं येँ महानगरपालिका व वल्र्ड लिंक कम्युनिकेशन दथुइ आइतवाः सम्झौता पत्रय् हस्ताक्षर जूगु दु । येँ महानगरपालिकापाखें प्रमुख प्रशासकिय अधिकृत धनिराम शर्मा व वल्र्ड लिंकपाखें विजयकुमार जालानं सम्झौतापत्रय् हस्ताक्षर याःगु खः । सम्झौता कथं वल्र्ड लिंकं येँया […]

येँ  – सामान्य प्रशासनमन्त्रीं खटे यानागु कार्यक्षेत्रय् मवंपिं कर्मचारीतय्त कारवाही प्रक्रिया न्ह्याके धुनागु धयाच्वंसां कर्मचारी सगठनतय्सं धाःसा मन्त्रीयाके अज्याःगु अधिकार हे मदु धकाः कार्यक्षेत्रय् मवंपिं कर्मचारीतय्त हे बचे यायेगु स्वयाच्वंगु दु । निजामति कर्मचारी युनियनया उपमहासचिव दुर्गा फुयालं बिबिसीलिसे खँ ल्हासें धयादीगु दु, ‘नेपाया निजामति सेवा ऐनं सुं नं मन्त्री, राज्यमन्त्रीं कर्मचारीयात कारवाही यायेगु नियम मदु । […]

येँ –  विदेशय् रोजगारया निंतिं वनाच्वंपिंसं छ्वयाहइगु रेमिट्यान्सया सदुपयोग जुइमा धकाः सरकारं हःगु वैदेशिक रोजगार बचतपत्र प्रभावकारी जुइमफुगु सीदुगु दु । चालु आर्थिक दँय् २५ करोड बराबरया बचतपत्र जारी याःगु खःस थुकी छगू करोडजक विक्री जूगु खँ राष्ट्र बैंकं धाःगु दु । उच्च ब्याज बीगु धाःसां थ्व योजना खास हे आकर्षण मदुगु धासें अर्थविद्तय्सं थुकी समीक्षा यायेमाःगु […]

येँ – अनलाइन नेटवर्किङ व्यापारया नामय् ठगे याःपिं निम्ह विदेशी नागरिकयात प्रहरी ज्वंगु दु । महानगरीय प्रहरी परिसरया पुचलं नेटवर्किङ व्यापारया नामय् ठगे याःपिं भारतया तरसेम शर्मा व बंगलादेशया नागरिक राहत हसन राणायात वंगु चैत ७ गते ज्वंगु खःसा म्हिगः सार्वजनिक याःगु खः । शर्मा व राणां फोरक्स अनलाइन मनी मार्केट कम्पनीइ दुगु वेस्टर्न एफएक्स कम्पनीया नेपाली […]