न्हापांगु दक्षिण एशियाली कला ब्वज्या

येँ – नेपाल ललितकला प्रज्ञा प्रतिष्ठान (नाफा)या ग्वसालय् जूगु निन्हुयंकंया न्हापांगु दक्षिण एशियाली अन्तर्राष्ट्रिय कला ब्वज्या क्वचाल । नेपाल कला परिषद्या हलय् जूगु निन्हुयंकंया कला ब्वज्याय् नेपाःलिसें श्रीलंका, भारत, भुटान, पाकिस्तान, बंगलादेश, अफगानिस्तान चित्रकारतय् चित्रकला तःगु खः ।

ब्वज्याय् सार्क क्षेत्रया ग्वीन्हय्म्ह कलाकारया ८५ पा चित्रकला ब्वज्याय् तःगु खः । उगु किपा ब्वज्याया उलेज्या यानादिसें परराष्ट्रमन्त्री प्रदीप ज्ञवालीं चित्रकलां देय्या पहिचान पिब्वयाच्वंगु दइ धासें चित्रकला ख्यःया विकास यायेत सरकार सकारात्मक दु धयादिल ।

ज्याझ्वलय् नेपाल ललितकला प्रज्ञा प्रतिष्ठानया कुलपति रागिनी उपाध्यायं कला क्षेत्रया अनुभव कालबिल यायेगु व चित्रकारिता बारे न्हू न्हूगु खँ सयेके सीके यायेगु ल्याखं उगु चित्रकला ब्वज्या ग्वसाः ग्वयागु खः धयादिल ।

ज्याझ्वलय् नाफया उपकुलपति शारदा चित्रकार, सदस्य सचिव नवराज भट्ट व बंगलादेशया वरिष्ठ कलाकार असरफुल हला पप्लीपिंसं समग्र कला क्षेत्रया विकास व दक्षिण एशियाया चित्रकालया महत्वयात कयाः नुगःखँ प्वंकादीगु खः ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन