वायुसे वा निगम न्हूढंगं न्ह्याकीगु
येँ – नेपाल वायु सेवा निगमयात आः न्हूगु ढंगं न्ह्याके गु खँ निगमया महानिर्देशक सुगतरत्न कंसाकारं कनादीगु दु ।मंगलवाः ग्वसाः ग्वःगु पत्रकार सम्मेलनय् वय्कलं झिंस्वंगः विमान सहित निगमयात न्हूगु ढंगं न्ह्याकेगु खँ धयादीगु खः ।
थौंकन्हय् निगमं दँय् ४ लाख यात्रुयात सेवा बियाच्वंगु न्ह्यथनादिसें आः न्हूगु हःगु निगः वाइडबडी जहाजपाखें थप ४ लाख यात्रुयात सेवा बीगु खँ नं वय्कलं कनादीगु दु ।निगः वाइडबडी सञ्चालनया निंतिं सुइखुम्ह पाइलट आवश्यक दुगु खःसा आः तुरुन्तया निंतिं स्वम्ह विदेशी पाइलट दुगु खँ नं वय्कलं कनादिल ।
निगमं खुलाया दुने खुम्ह पाइलट व खुम्ह को–पाइलट तयार यायेगु कथं ज्या यानाच्वंगु दु ।झिंस्वंगः विमान सञ्चालन याये त मुक्कं ११६ म्ह पाइलट आवश्यक दुसा निगमयाके थौ ंकन्हय् ८८ म्ह जक पाइलट दु । मगाःपिं मे पिं पाइलट विदेशं करारय् हयेगु तयारी नं निगमं यानाच्वंगु दु ।
निगमया कथं ए३३०–२०० विमान ब्वये कीम्ह पाइलटयात मासिक १८ लाख तका तलब बीगु जूगु दु ।अथेहे को–पाइलटयात १२ लाख तका तलब बीगु जूगु दु ।निगमं २०७५÷७६ दुने थप झिगः जहाज थपे यायेगु निंतिं माःगु प्रक्रिया न्ह्यःने न्ह्याकेगु योजना दयेकातःगु दु । सन् २०१९ दुने १ सय ५६ सिट क्षमताया निगः न्यारो बडी हयेगु तयारी नं निगमं यानाच्वंगु दु ।
LEAVE YOUR COMMENTS