छु ग्रेड वःपिंसं छु ब्वने दइ ?

छवाः न्ह्यः कक्षा १० या अन्तिम परीक्षा कथं काइगु माध्यमिक शिक्षा परीक्षा (एसईई)या लिच्वः पिहां वयेवं विद्यार्थीतय् प्लस टु शिक्षाय् छु ब्वनेगु, गन ब्वनेगु धयागु चहलपहल सुरु जूगु दु। सरकारं न्हूगु शिक्षा नीति मार्फत प्लस टु शिक्षायात नं स्कुल शिक्षा अन्तर्गत हे तयातःगु दु, अले एसईई परीक्षाया लिच्वः ग्रेडिङ प्रणालीपाखें पित बीगु यानाच्वंगु दु।

थ्व पालय् मुक्कं ४ लाख ५१ हजार ५३२ म्हेसिनं एसईई बिउगुली १४ हजार २३४ म्हेसिनं ३.६ निसें ४ ग्रेड (ए प्लस) हःगु दुसा ४६ हजार १३० म्हेसिनं ३.२ निसें ३.६ जीपीए (ए) हःगु दु। अथेहे ४९ हजार ३७ म्हेसिनं २.८ निसें ३.२ जीपिए (बी प्लस) हःगु दुसा ७० हजार ५१२ म्हेसिनं २.४ निसें २.८ जीपीए (बी) हःगु दु। ६१ हजार ८७० म्हेसिनं २ निसें २.४० जीपिए (सी प्लस) हःगु दुसा  दकलय् अप्वः १ लाख १० हजार ४३ म्हेसिनं १.६ निसें २ जीपिए (सी) हःगु दुसा ३५ हजार ५८४ म्हेसिनं १.२ निसें १.६ जीपीए (डी प्लस) व ५८ हजार ६८८ म्हेसिनं ०.८५ निसें १.२ जिपिए (डी ) हःगु दु।

शिक्षा मन्त्रालयं एसईई परीक्षाय् म्होतिं नं डि प्लस अर्थात १.६ जीपीए हःपिंत कक्षा ११ य् भर्ना यायेमाःगु व्यवस्था यानातःगु दु

शिक्षा मन्त्रालयं एसईई परीक्षाय् म्होतिं नं डि प्लस अर्थात १.६ जीपीए हःपिंत कक्षा ११ य् भर्ना यायेमाःगु व्यवस्था यानातःगु दु। छुं नं विषयय् ब्वनेगु निंतिं ग्रेडसिटय् अनिवार्य अंग्रेजीइ १.६ अर्थात डी प्लस हयेमाः।

शिक्षा मन्त्रालयं यानातःगु व्यवस्था कथं विज्ञान संकायय् भर्ना जुइगु निंतिं पूवंक लिच्वतय् जिपिए २ हयेमाः। थुकी विज्ञान व गणितय् सी प्लस, अंग्रेजी, सामाजिक व नेपालीइ डिप्लस हयेमाः। अथेहे व्यवस्थापन, मानविकी व शिक्षा विषयय् भर्ना जुइगु निंतिं पूवंक लिच्वतय् म्होतिं नं १.६ जीपिए व सामाजिकय् डी प्लस हःगु दयेहे माः।

कक्षा ११ य् विज्ञान बाहेक मेगु हे विषय ब्वनेगु खःसा छु विषय ब्वनेगु खः, व विषयय् म्होतिं नं डी प्लस हयेमाः। मन्त्रालयं थ्व व्यवस्था यानातःगु दुसा प्लस टु स्कुलं थःपिंथाय् छु ग्रेड वःपिं तक विद्यार्थी भर्ना यायेगु धयागु थःपिंसं क्वःछिनातःगु दइ।अथेहे प्राविधिक शिक्षा तथा व्यावसायिक तालिम परिषद् (सिटिइभिटीं) नं एसईईया ग्रेडिङ स्वयाः थीथी प्राविधिक कोर्सय् भर्नाया आधार तोके यानातःगु दु।.

थन नं विषयगत दक्षताया आधारय् हे भर्ना कायेगु व्यवस्था यानातःगु दु।प्राविधिक शिक्षाय् धाःसा एसईई डि व इ वःपिंसं नं ब्वनेखनी। तर स्वास्थ्य विषयय् कयाः स्वदँया डिप्लोमा ब्वनेगु खःसां म्होतिं नं सी ग्रेड हःगु दयेमाः। थुकिया निंतिं अंग्रेजी, विज्ञान, गणित स्वंगुलिसिनं अनिवार्य रुपं म्होतिं नं सी ग्रेड हःगु हे दयेमाः।

अथेहे परिषदं ब्वंकीगु इन्जिनियरिङ, एग्रिकल्चर, फरेस्ट्री, टुरिजम व मेमेगु विषयया स्वदँया डिप्लोमा अध्ययन यायेत नं जिपिए २ व अंग्रेजी, गणित, व विज्ञानय् सी ग्रेड हः गु दयेमाः। थ्व बाहेक मेमेगु विषय ब्वनेगु निंतिं डी व ई वःपिंत नं भर्ना काइगु जुइ।

नेपालभाषा टाइम्स

च्वमिया मेमेगु

• विश्व सांस्कृतिक उत्सव–२०२३ नेपाःया ज्वःमदुगु प्रस्तुति
• क्रिकेटय् नेपाः भारतलिसे बुत, ब्याडमिन्टनय् त्यात
• परोपकारया ७७ क्वःगु स्थापना दिवस
• मरुसतः पुनःनिर्माणया प्रतिवेदन लःल्हात
• भीआईपी लागाय् पुलुकिसि वने मदु !