म्ह्याय्मचां मि तल

येँ – मदुम्ह येँ महानगरपालिका २८ वडाया पुलांम्ह वडाअध्यक्ष मिठ्ठाबहादुर मानन्धरयात वय्कःया म्ह्याय् कमला मानन्धरं मि तःगु दु । थौं सुथय् मदुम्ह वय्कःयात पशुपति आर्यघाटय् दाहसंस्कार याःगु खः । मदुम्ह मानन्धरया खुम्ह म्ह्याय् दी । कायमचां जक मि तयेगु चलन दुगुलिइ मदुम्ह मानन्धरया कायमचा मदुगुलिं चिधिकःम्ह म्ह्याय् कमला मानन्धरं मि तःगु खः । अन्तिम संस्कार याये न्ह्यः सराद्ध यायेगु निसें यायेमाःगु फुक्क विधि म्ह्याय्मचा कमलां हे याःगु खः ।

मय्जु मानन्धर नेपालभाषा क्लबया अध्यक्ष व कन्या मन्दिर माविया नेपालभाषा शिक्षिका खः । मदुम्ह मानन्धर नेपालभाषा कार्यकर्ता , जनचिकित्सालयया अध्यक्ष, नेपाल लिपि गुथिया मू दुजः विमला मानन्धरया अबुजु खः ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन