केशचन्द्र गुंला बाजं खलःया न्हूधाः

येँ – केशचन्द्र गुंला बाजं खलः, इतुंबहाःया न्हूधाः जूगु दु । वंगु शनिवाः जूगु ज्याझ्वः यासें गुंला बाजं खलःया न्हूधाः याःगु खः । खलःया कजि सुजितमान शाक्यया सभापतित्वय् जूगु ज्याझ्वलय् छ्याञ्जे उमेशमान शाक्यं वार्षिक प्रतिवेदन व दांभरिं रुपकुमार शाक्यं आर्थिक प्रतिवेदन न्ह्यब्वयादीगु खः ।

ज्याझ्वलय् खलःया संरक्षकपिं नीलकाजी शाक्य, गिन्दीमान शाक्य व बाजं गुरु दीपकमान शाक्यं थःथःगु नुगःखँ तयादीगु खः । ज्याझ्वःया निगूगु ब्वय् खलःया न्हूधाः याःगु खः । न्हूधाःकथं खलःया न्हूगु ज्यासना पुचलय् कजि सुजितमान शाक्य, छ्याञ्जे उमेशमान शाक्य, दांभरिं रुपमान शाक्य सर्वसम्मतं ल्यःगु दुसा दुजलय् छसिकथं विजयबहादुर शाक्य, सानुराजा शाक्य, वसन्त शाक्य, रत्नाकर वज्राचार्य, मनोज शाक्य, प्रशिल शाक्य निर्वाचित जुयादीगु दु ।

न्हूधाःया निंतिं खलःया संरक्षकद्वय व बाजंगुरु दुथ्याःगु छगू ल्यज्या कमिटि गठन याःगु खः । लिसें खलःपाखें न्ह्यःने वयाच्वंगु गुंला व मेमेगु सांस्कृतिक ज्याझ्वःयात ध्यानय् तयाः न्हूपिंत बाजं व बासुरि स्यनेगु ज्या नं न्ह्याकूगु दु ।

सम्बन्धित बुखँ

LEAVE YOUR COMMENTS