स्वयेबहपिं कासामि (फिलिप कोन्टिन्हो व केलर नाभास)

फिलिप कोन्टिन्हो, मिडफिल्डर, ब्राजिल

ब्राजिलियन टिमया बांलाःम्ह मिडफिल्डर खः, फिलिपि कोन्टिन्हो । फरवार्डया निंतिं बांलाःगु पास पिकायेगु जक मखु, थःम्हं नं गोल यायेत सक्षमम्ह कासामि खः कोन्टिन्हो । वं बार्सिलोनाया निंतिं नीनिगू कासा म्हिताः झिगू यायेधुंकल । बार्सिलोना वने न्ह्यव व लिभरपुलं म्हिताच्वंम्ह खः ।

सन् २०१० य् ब्राजिलया राष्ट्रिय टिमय् डेब्यु याःम्ह कोन्टिन्हो थःगु हे देय् ब्राजिलं ग्वसाः ग्वःगु २०१४ या विश्वकपय् धाःसा टिमय् मलात । थ्व विश्वकपय् धाःसा वं छगू गोल यायेधुंकूगु दु ।

केलर नाभास, गोलकिपर

कोस्टारिकाया नं. १ गोलकिपर केलर नाभारया थ्व निक्वःगु विश्वकप खः । सन् २०१४ य् ब्राजिलय् जूगु विश्वकपय् कोस्टारिकाया निंतिं नायक जूम्ह नाभासं उबलय् थःगु देय्यात क्वाटरफाइनल तक यंकेत ग्वाहालि याःगु खः । नाभास उगु विश्वकपया उत्कृष्ट गोलकिपरत मध्ये छम्ह खः ।

विश्वकपया उत्कृष्ट प्रदर्शनं यानाः वयात रियल म्याड्रिड वनेगु लुखा चाल । नाभासं म्याड्रिडय् वनेधुंकाः ला लिगा व च्याम्पियन्स लिग त्याकेधुंकूगु दु । सन् २०१७ या स्वम्ह उत्कृष्ट गोलकिपर मध्ये नाभास छम्ह नं लाः ।

सम्बन्धित बुखँ

LEAVE YOUR COMMENTS