घरबहाल कर क्वकायेत प्रस्ताव

येँ (नेपालभाषा टाइम्स)÷येँ महा– नगर दुने मनपां कायेगु यानाच्वंगु घर बहाल कर तसकं अप्वः जूगुलिं उकियात क्वकायेमाःगु माग जूगु दु । थन न्ह्यानाच्वंगु १२ क्वःगु नगर सभाया बैठकय् येँ मनपा १० वडाया अध्यक्ष रामकुमार केसीं म्हिगः थ्व प्रस्ताव तयादीगु खः ।

येँ मनपाय् घरबहाल कर तसकं थिके जुल धइगु गुनासो वयाच्वंगु जूगुलिं आः मनपां थौंकन्हय् कायेगु यानाच्वंगु १० प्रतिशत घरबहाल करयात क्वपालाः ५ प्रतिशत जक यायेमाःगु प्रस्ताव
वय्कलं तयादीगु खः ।

करया दर क्वकायेसातकि थौंकन्हय् मपुसे च्वनाच्वंपिं नं आपालं मनूतय्सं कर पुलाः थुकिया दायरा तब्या जुया वनीगु व न्हापा स्वयां नं अप्वः कर उठे जुइगु दावी वय्कलं यानादिल । वय्कलं धयादिल, ‘करया दर म्हो जुइसातकि पुलीपिं मनूतय्गु दायरा तचाः जुयाः थौंकन्हय् म्ह्याच्वंगु स्वयां १ अर्ब तका अप्वः म्हये फइगु सम्भावना दु ।’

सम्बन्धित बुखँ

LEAVE YOUR COMMENTS