येँ मनपाय् एमालेया कार्यपालिका दल

येँ- नेकपा (एमाले) या येँ महानगरपालिकाय् संसदीय दल धाये थें ‘कार्यपालिका दल’ गठन जूगु दु । विधान कथं दलया नेताय् पार्टीपाखें निर्वाचित उपमेयर सुनिता डंगोल नियुक्त जुयादीगु दु ।

अथे हे उपनेता पदय् येँ ३२ वडाय् एमालेपाखें निर्वाचित वडा अध्यक्ष नवराज पराजुली नियुक्त जुयादीगु दु ।

दलया प्रमुख सचेतकय् १८ वडाया अध्यक्ष न्हुछेकाजी महर्जन नियुक्त जुयादीगु दुसा सचेतकय् ३ वडाया अध्यक्ष प्रेम थापा नियुक्त जुयादीगु दु ।

दलपाखें येँ महानगरपालिकाय् नेतृत्वया ज्याखँया आधारय् रचनात्मक भूमिका म्हितेगु निर्णय याःगु दु । मनपाय् एमालेया ११ म्ह वडा अध्यक्ष दु ।