ख्वताबजि न्हय्सः ब्व थ्यन

येँ (नेपालभाषा टाइम्स) – इमेल च्यानलं प्रशारण याना वयाच्वंगु नेपालभाषाया टेलिश्रृंखला ‘ख्वताबजि’ न्हय्सः ब्वः क्यंगु लसताय् शनिवाः छगू लसता ज्याझ्वः हन । ज्याझ्वलय् पाहाँ कथं झायादीपिं ख्यालि जुजु मदनकृष्ण श्रेष्ठ, इमेज च्यानलया अध्यक्ष आर के मानन्धर, महाप्रबन्धक रघुवरभक्त मानन्धरपिंसं ख्वताबजि न्हय्सः ब्व क्यंगु लसताय् केक तानादीगु खः ।


ज्याझ्वलय् न्ववानादिसें अध्यक्ष मानन्धरं ख्वताबजि इमेल च्यानलया हे छगू बांलाःगु ज्याझ्वः जूगु धासें थुकियात यात अझ बांलाक न्ह्याकायंकेगु निंतिं थःम्ह माःगु कुतः याये धयादिल । अथेहे ख्यालिजुजु मदनकृष्ण श्रेष्ठं वइगु ब्वय् थम्हं नं ख्वताबजिइ म्हितेगु खँ धयादिल ।


ज्याझ्वःया झ्वलय् ख्वताबजिया निर्माता निर्देशक सुरेन्द्र तुलाधरलिसें कलाकारपिंसं थीथी म्येँ, प्याखं न्ह्यब्वयाः न्ह्यइपुकूगु खः । ज्याझ्वः सम्झना ल्याबरोटरिया मू प्रायोजनय् जूगु खः ।

 

किपा: – पसाक

सम्बन्धित बुखँ

LEAVE YOUR COMMENTS