ने. सं. ११४४ चौलागा दशमी - बरूथिनी एकादशी

हलिं नेवाःदिवस छाय् हनेगु ?

देशं दुने व पिनेया नेवाः ल्याय्म्ह ल्यासेपिंके नेवाः म्हसीकाया ज्ञा म्हो जुुजुं वनाच्वंगु वाःचायेकाः ध्ल्इ या दुजःपिं चिन्तित जूगु खः। भाषा ला त्वःता हे च्वंगु जुल तर नेवाः मस्तय्सं थःत नेवाः धकाः तक नं धाये मफया वनाच्वंगु दु । थ्व मसयावंगु खं यानाः नेवाःत नेवाः जुयाः म्वानाच्वने फइ मखुगु सम्भावना ब्वलना वयाच्वन । थ्व हे खँयात वाःचायेकाः वंगु जुलाई २०१७ पाखे च्वंगु ध्ल्इ या ज्यासना पुचःया मुँज्यां हलिं नेवाः दिवस हनेगु् घोषणा यानाः हलिंन्यंक ब्यापक प्रचार प्रसार यायेगु खँ क्वःजिउगु खः । थ्व खँय् न्हापांगु आधिकारिक सुचं क्यानाडाय् जूगु क्षत्रीय सम्मेलनय् ध्ल्इ म्हिगः, थौं व कन्हय् नांगु छगू न्वचु मुँज्याय् न्ह्यथंगु खः । अले न्हूदँ ११३८ या लसताय् भिंतुना सन्देशया नापनापं ध्ल्इ या प्रवक्ता भाजु् कृष्ण चखुंपाखें लहना रेडियोया ज्याझ्वःसं न्ह्यब्वयाः बय्बय् याःगु खः । वयां लिपा थ्व वल्र्ड नेवाः डे नेपालय् छगू सम्मेलन यानाः हलिंन्यंकं छरे जुयाच्वंपिं नेवाःत छप्पँ छधी यायेगु तातुनाः व नेवाः सरोकार म्हिगः, थौं व कन्हय्या नारा ज्वनाः न्ह्याः वनेगु खँ सहलह जूकथं अक्टोबर महिनापाखे विज्ञापन पिकयाः हलिं नेवाः सम्मेलन यायेगु घोषणा जूगु खः ।

अले दिवस हनेगु व सम्मेलन यायेगु ज्या ताःलाकेत भाजु दया शाक्यया संयोजकत्वय् छगू ज्यासना पुचः नीस्वनेगु ज्या जुल । अले ब्वति काइपिन्त इनाप याये कथं विज्ञप्ति पिकयाः आब्सस्ट्रयाक्ट वा मूति दुतिनेगु इनाप जूगु जुल । व हे इनापकथं नोभेम्वर ३० तारिख तक ज्यापौया मू सार दुतिनेगु निम्ति आह्वान याःकथं नीगू ति ज्यापौया सार दुतिन । उकी सम्मेलनया आज्जुय ताःलाकेगु हिसाबं दुहां वइगु फुक्कं सार यात थाय् बियाः थ्व सम्मेलन न्ह्याः वनेत्यंगु दु । सन् २०११ निसें शुरु जूगु थ्व संस्था बुलुहुँ पलाः छिनाः आः तक बेलायत, नेपाल, भारत, नेदरलैण्ड, जापान, थाइल्याण्ड, युएई, पोर्टुगल व अमेरिका आदि देशय् च्याप्टर नीस्वने धुंकूगु दु । मेमेगु देशय् न्हापा नीस्वने धुंकूगु स्थानीय संस्थानाप मित्रता तयाः न्ह्याः वनेगु सम्झौता दु । आःया कार्यकारिणी सन २०१९ तक लागू जुइ ।छिकपिंसं थ्व सम्मेलन झीगु हे खः धकाः भाःपाः ब्वति कयाः ग्वाहालि यानादी धइगु भलसा कयाच्वना । थुकिया लिच्वः हलिमय् न्यनाच्वंपिं नेवाः ल्याय्म्हल्यासेपिंत नेवाः म्हसीकाया लहर बाः वयेका बी फइगु जिमिगु विश्वास दु ।

थ्व हलिं नेवाः दिवस दँय्दसं मार्च महिनाया लिपांगु सनिवार थःथःगु क्षमताकथं हलिंया न्ह्यागु शहर व देशय् च्वनाच्वंपिं सकल नेवाः भाजु मय्जुपिंत इनाप याना । थःथाय् दुपिं मेपिं गैर नेवाःतय्त नेवाः सभ्यताबारे जानकारी बी फइगु कथंया ज्याझ्वः दयेकाः नखः थें हनादी धइगु आशा याना ।थुगुसीया थ्व सम्मेलन ज्याझ्वः तिप्यंकेत ध्ल्इ या नेपाः कचा व नेपालभाषा केन्द्रीय विभागयात कय्च्यानाः न्ह्याः वनेगु जुयाच्वंगु दु । सम्मेलन नेपालं पिने च्वनाच्वंपिं ल्च्ल् नेवाः लगायत नेपाःया गन्यमान्य मनूतय्गु ब्वति दइगु विश्वास कयाच्वनागु दु । सहलह जुइगु विषयवस्तुया सन्दर्भय् आः तक दर्ता जुइधुंकूगु मध्ये भाषा, साहित्य, कला, संस्कृति, चर्या नृत्य, पहिचान, चलचित्र, पत्रकारिता, मातृभाषा शिक्षा आदि आदि विषय अन्तर्गतया ज्यापौत सहलहया निंतिं न्ह्यब्वयेगु जुइ । उकिं पिदंगु लिच्वःत न्हूगु शिक्षाया निंतिं मार्ग निर्देशन जुइ । नेवाः पहिचान ल्यंकेगु अभियानया निंतिं पाय्छिगु ज्यापौयात थाय् बी ।

थ्व सम्मेलनया लिच्वः नं ध्ल्इ केन्द्रपाखें याकनं हे पिकायेगु जुइ । थ्व मुँज्या धुंकाः नेवाः वाङ्मय अध्ययनया सिलसिलाय् छगू तःधंगु हिउपाः हयेगु तातुनाच्वनागु जुल । लिसें हलिमय् छरे जुयाच्वंपिं नेवाःतय्त छु कथंया ग्वाहालि मालीगु खः उकथं ग्वाहालि यायेत विश्व नेवाः कोश छगू नं नीस्वनेगु ग्वसाः दु । वयां लिपा देश त्वःताः पिहां वनाच्वंपिं नेवाः मस्तय्सं थःत नेवाः धकाः म्हसीकेगु झ्वलय् बांलाःगु लिच्वः लाइ धइगु जिमिगु विश्वास दु ।