ह्वील चियरं सगरमाथा बेस क्याम्प

येँ – थम्हं हे ह्वील चियर चले यानाः सगरमाथाया बेस क्याम्प तक यात्रा यायेगु ताः तयाः अष्ट्रेलियन साहसिक यात्री स्कट डुलान नेपाः वयाच्वंगु दु । समुद्री सतहं ५,३६४ मिटर च्वय् लाःगु सगरमाथाया बेस क्याम्प तक सुयां ग्वाहालि मकासे थम्हं हे ह्वील चियर चले यानाः यायेत्यंगु थ्व यात्रा स्वयमय् हे छगू कीर्तिमान जुइ । लुक्लांनिसें शुरु जुइगु थ्व ४० माइल ताःहाकःगु यात्राय् भाजु डुलानलिसे छम्ह पासा दइ । ह्वील चियर थहां मवनीगु तस्वाःगु पहाडय् धाःसा वय्कः ल्हातं चुयाः थहां वनादी ।
थुकिया लागिं वय्कलं माउन्टेन बाइक शैलीया विशेष प्रकारया ह्वील चियर छ्यलादी । थ्व यात्राया लागिं वय्कलं वंगु च्याला न्ह्यवंनिसें तालिम कयाच्वनादीगु खः । थौंकन्हय् २८ दँ दुम्ह डुलान १७ दँ दुबलय् छगू मोटरसाइकल दुर्घटनाय् लानाः निपां तुति चले मजूगु खः ।

सम्बन्धित बुखँ

LEAVE YOUR COMMENTS