ख्वप सहित थीथी जिल्लाय् थप ९म्हेसित कोरोना संक्रमण

येँ – ख्वप जिल्लाय् हानं छम्ह मनूया कोरोना संक्रमण जूगु दु । ख्वप नगरपालिका वडा नम्बर ९या ४२दँया मिसयात संक्रमण जूगु पुष्टि स्वास्थ्य तथा जनसंख्या मन्त्रालयं याःगु दु । ख्वपय् थ्व नापं ४म्ह संक्रमित जूगु दुसा २म्ह म्हिग जक अस्पतालं डिस्चार्ज जूगु खः ।

अथेहे मकवानपुरया हेटौंडा–३या ५४दँया मिसा, सप्तरी बलान बिहुल गाँउपालिकाया ३५दँया मजिंयात नं कोरोनाया संक्रमण जूगु दु । बाराया सिमरनगढ नगरपालिकाया २२, २७, ३०, ३४, ३८ व ४५दँया मिजंतय्त नं संक्रमण जूगु खँ मन्त्रालया सह प्रवक्ता डा. समिरकुमार अधिकारी धयादीगु दु ।

थ्व नापं नेपालय् संक्रमिततय् ल्याः ५ सय १६म्ह थ्यंगु दु ।

सम्बन्धित बुखँ

LEAVE YOUR COMMENTS