३ नं प्रदेशय् व्यवस्थित सहरीकरणया निंतिं गुरुयोजना

येँ- प्रदेश नं. ३या मुख्यमन्त्री डोरमणि पौडेलं ३ नं प्रदेशयात व्यवस्थित सहरीकरणया निंतिं गुरुयोजना दयेकेगु धयादीगु दु । मुख्यमन्त्री पौडेलं गुरुयोजना दयेकाः ३ नं प्रदेशयात व्यवस्थित सहरीकरणसहितया आधुनिक प्रदेशया रुपय् स्थापित यायेगु वय्कलं धयादीगु दु । नुवाकोटया विदुर नगरपालिकां ग्वसाः ग्वःगु लसकुस व भिंतुना ज्याझ्वलय् नवासें वय्कलं ३ नं. प्रदेशय् विकासया निंतिं पर्याप्त मात्राय् सम्भावना दुगु नं धयादिल ।
ज्याझ्वलय् भौतिक योजना व पूर्वाधारमन्त्री केशव स्थापितं जनप्रतिनिधियात सम्मान व भिंतुना कालबिल यायेगु ज्याझ्वलय् जक वनेगु मयायेत निर्देशन बियादिल । ज्याझ्वलय् नगरपालिकाया प्रमुख सञ्जु पण्डितं नगरपालिकापाखें न्ह्याका वयाच्वंगु ज्याझ्वः व भावी योजना बारे जानकारी बियादीगु खः ।