कोरोना भाइरस : विश्वन्यंक सीपिं ३ लखं अप्वल

येँ – विश्वन्यंक महामारी जुयाच्वंगु कोरोना भाइरस (कोभिड-१९)या कारणं विश्वन्यंक सीपिनि ल्याः ३ लखं अप्वःगु दु ।

शुक्रवाः सुथय् तकया तथ्यांक कथं कोरोनाया कारणं विश्वन्यंक ३ लख ३ हजार ४ सय १३म्ह सीधुंकूगु दु । सीपिं मध्ये दकलय् अप्व अमेरिकाय् खः । अन ८६ हजार ९ सय १२म्ह सीधुंकूगु दु । वधुंकाः बेलायतय् ३३ हजार ६ सय १४म्ह सीगु दुसा इटालीइ ३१ हजार ३ सय ६८म्ह सीधुंकूगु दु ।

अथेहे कोरोना भाइरसपाखें संक्रमिततय् ल्याः ४५ लख २७ हजार १ सय २७ थ्यंगु दु । संक्रमितत मध्ये नं दकलय् अप्व अमेरिकाय् खः । अमेरिकाय् १४ लख ५७ हजार ५ सय ९३म्ह मनूत संक्रमित जूगु दु । वधुंकाः स्पेन व रुसय् छसिकथं २ लख ७२ हजार ६ सय ४६म्ह व २ लख ५२ हजार २ सय ४५म्ह थ्यंगु दु ।

संक्रमितत मध्ये १७ लख मनूत पूर्ण स्वस्थ्य जुइधुंकूगु दु । विश्व स्वास्थ्य संगठनं विश्वन्यंक लकडाउनयात थीथी देसं याकनं चीकूगु धासें थुकीं संक्रमिततय् ल्याः झन् अप्व जुइफइगु ख्याच्वः बीधुंकूगु दु ।