गुटाय् राहत सामग्री थ्यन

संयुक्त राष्ट्र संघया ग्वाहालिमितय् छगू पुचः सोमवाः हिंसा न्यनाच्वंगु सिरियाया गुटा क्षेत्र लिक्कसं थ्यंगु दु । वंगु वालं निसें सिरियाली सरकारी सेना व रुसी सेनाया आक्रमणया कारणं तहस नहस जुयाच्वंगु गुटा लिक्कसं सोमवाः राष्ट्र संघया ग्वाहालिमतय् छगू पुचः थ्यंगु खँ धाःगु दु । सिरियाली सेना व रुसी सेनाया आक्रमणया कारणं अन प्यंगू लाख नागरिक तच्वःगु समस्याय् लानाच्वंगु खः । अन मानवीय सहायता व आधारभूत आवश्यकता तकं अभाव जुयाच्वंगु खः ।राष्ट्र संघया ग्वाहालि ज्याझ्वःया छम्ह अधिकारीया कथं म्होतिं नं छवाः न्ह्यवनिसें उगु क्षेत्रय् सुं नं वनेमफुगुलिं अनया नागरिकत नयेमखनाः सिनाच्वंगु खँ धाःगु दु ।

उम्ह अधिकारीं सोमवाः बिउगु जानकारी कथं ग्वाहालि ज्वलं ज्वनावंगु २४ गः ट्रक सोमवाः हे पूर्वी गुटाया डुआमा जिल्लाय् थ्यंगु दु ।सन् २०१३ निसें घेराबन्दीइ लानाच्वंगु पूर्वी गुटाय् प्यंगू लाख सर्वसाधारण फँसे जुयाच्वंगु दु । गुटा सिरियाया राजधानी दमासकस लिक्क लाःगु विद्रोहीतय् तच्वःगु प्रभाव दुगु छगू जक थाय् जुयाच्वंगु दु । विद्रोहीतय्त लिना छ्वयेगु निंतिं सिरयाली सरकारी सेना व रुसी सेनां अन मंकाः रुपं आक्रमण याःगु खः ।

सम्बन्धित बुखँ

LEAVE YOUR COMMENTS