दरवार हाईस्कुलया पुनःनिर्माण यायेत निर्देशन

येँ – देय्या दकलय् पुलांगु स्कुल मध्ये छगू दरवार हाईस्कुलया पुनःनिर्माण याइगु जूगु दु । राष्ट्रिय पुनःनिर्माण प्राधिकरणं स्कुलया पुनःनिर्माण यायेत सरोकारवाला निकायया निर्देशन तकं बी धुंकूगु दु ।
प्राधिकरणं पिनेया स्वरुप परम्परागत ढाँचाय् दइकथं स्कुलया पुनःनिर्माण फक्व याकनं यायेत धासें सरोकारवाला निकाययात निर्देशन बिउगु खः । प्राधिकरणया प्रमुख कार्यकारी अधिकृत युवराज भुसालया अध्यक्षताय् च्वंगु बैठकं नेपाः व चीन दथुइ जूगु सम्झौताकथं परम्परागत ढाँचाय् दरवार स्कुलया पिनेया स्वरुप खने दइकथं पुनःनिर्माण यायेगु निर्णय यासें उकथंया निर्देशन बिउगु खः ।
लिसें अपांगमैत्री संरचनाय् शिक्षण क्रियाकलापयात प्रभावकारी याये फइकथं कक्षा क्वथा, चःबि, प्रयोगशाला निर्माण यायेमाःगु खँय् नं बिउगु दु ।
प्राधिकरणया निमित्त सचिव यमलाल भुसालं शिक्षा मन्त्रालय अन्तर्गतया केन्द्रीय आयोजना कार्यान्वयन ईकाइं चिनिया पक्षलिसें समन्वय व सहजीकरण यानाः पुनःनिर्माण न्ह्याकेत सहमति जूगु धयादीगु दु ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन