येँ – थौं मिला पुन्हि । थनिंनिसें लछियंकं कनीगु श्री स्वस्थानीया बाखं कनेगु शुरु जुइ । नेवाःतय् छेँय् छेँय् नं स्वस्थानी बाखं कनेगु चलन दु। लिसें थनिंनिसें हे सक्वया शालीनदीइ माधवनारायणया थाकुगु धलं दनेगु शुरु जुइ । थज्याःगु धलं ख्वप व तोखाय् नं च्वनेगु चलन दु। अथे हे थौं चाँगुनारायण द्यःयात येँया हनुमानध्वाखाय् बिज्याकी । थ्व इलय् अन पुलांगु चायागु थलबल तछ्यानाः क्यनेगु याइ । चाँगुनारायण बिज्याकूगु स्वयेत लाय्कू कुमारीयात नं अन हे बिज्याकीगु नं चलन दु। लिसें थौं हे बहनी मखं बहालय् तु मुइकीगु नं चलन दु। थुकी मि च्याकातःगु मकलय् तु दुयाः बँय् बस्वानाः मुइकीगु खः ।
LEAVE YOUR COMMENTS