६ नम्बर ‘कर्णाली प्रदेश’

येँ –  ६ नम्बर प्रदेशया नां ‘कर्णाली प्रदेश’ जूगु दुसा थुकिया स्थायी राजधानी सुर्खेत जूगु दु । थौं जूगु प्रदेशसभा बैठकय् बहुमतं प्रदेशया नां कर्णाली व राजधानी सुर्खेत यायेगु क्वःछिउगु खः । थुकिया लिसें प्रदेशया नां व राजधानी तोके याःगु ६ नम्बर प्रदेश न्हापांगु प्रदेश जूगु दु । थ्व प्रदेशया अस्थायी राजधानी नं सुर्खेतय् हे जुयाच्वंगु खः ।प्रदेशया नांया निंतिं एमाले संसदीय दलया नेता यमलाल कँडेलं कांग्रेस सांसद दिनबन्धु श्रेष्ठ व माओवादी सांसद वीरबहादुर शाहीया समर्थनय् प्रस्ताव तयादीगु खः । थुकी संसदय् उपस्थित ३७ म्हेसिनं हे पक्षय् मतदान याःगु खः । राजधानीया निंतिं कांग्रेस संसदीय दलया नेता जीवनबहादुर शाहीं एमालेया प्रमुख सचेतक गुलाबजंग शाहया समर्थनय् प्रस्ताव तयादीगु खः । थुकी राप्रपाया सांसद सोशिला शाही छम्हेसिनं जक विपक्षय् मत बिउगु खः ।

सम्बन्धित बुखँ

LEAVE YOUR COMMENTS