यलय् मांभाय्या शिक्षा विस्तार

यल – यल महानगरपालिकां नेपालभाषा शिक्षाया विस्तार याइगु जूगु दु । थौंकन्हय् झिगू केन्द्रय् नेपालभाषा शिक्षा दयाच्वंगु खःसा आः उकियात अझ विस्तार यायेत्यंगु खः । नगरया शिक्षा अधिकारी महेन्द्रबहादुर क्षेत्रीं कनादीकथं वइगु दिनय् च्वय्या तगिमय् तकं मातृभाषां शिक्षा बीगु व्यवस्था याना यंकेगु योजना दु ।

‘मस्तय्त माभासं आखः ब्वंकेगु अभिभावकतय् चाहना अप्वया वनाच्वंगुलिं महानगरपालिकां मांभासं शिक्षा बीगु व्यवस्थायात विस्तार यायेत्यनागु खः’, वय्कलं धयादिल, ‘न्हापांगु चरणय् म्होतिं नं छगू वडाय् मातृभाषा शिक्षाया शुरुवात याना यंकेगु जुइ ।’

सामुदायिक विद्यालय मध्ये अप्वः थें विद्यालयय् अंग्रेजी माध्यमं हे ब्वंकेगु याना हयाच्वंगुलिं आः यल मनपां मस्तय्त छु छु भासं शिक्षा बीगु खः धइगु बारे नं अभिभावकलिसे सहलह यायेमाःगु आवश्यक जूगु नं वय्कलं धयादिल ।

विद्यार्थीत आकर्षित यायेगु निंतिं अप्वः थें सामुदायिक विद्यालयं अंग्रेजी माध्यमं ब्वंकेगु याःसां नं गुलिखे अभिभावकं खस व नेपालभाषां ब्वंकूसा जिउ धइगु इच्छा यानाच्वंगु नं वय्कलं जानकारी बियादिल । यल महानगरपालिका दुने जक १८२ गू निजी व ४० गू सामुदायिक विद्यालय दु । अथे हे बाल विकास केन्द्रया ल्याः ७४ गू दु ।

सम्बन्धित बुखँ

LEAVE YOUR COMMENTS