राष्ट्रपतिइ हास्य कलाकारया अग्रता

कीभ – युक्रेनय् जूगु राष्ट्रपति निर्वाचनया प्रारम्भिक मत परिणामकथं हास्य कलाकार भोलोदिमिर जेलेन्स्कीं अग्रता काःगु दु । राजनीतिया छुं हे अनुभव मदुम्ह टेलिभिजनया कमेडियन जेलेन्स्की प्रारम्भिक मत परिणामय् ३० प्रतिशत मतं न्ह्यःने लानाचवंगु एक्जीट पोलं क्यंगु दु । प्रारम्भिक मत परिणामय् जेलेन्स्कीं ३० प्रतिशत मत हःगु दुसा वर्तमान राष्ट्रपति पेत्रो पोरोचेन्कों १७ प्रतिशत मत प्राप्त याःगु दु ।

मत परिणामकथं न्हापांगु व निगूगु थासय् लानाच्वंपिं निम्हं उम्मेदवार युरोपियन युनियनलिसे सतीपिं खः । राष्ट्रपतिइ निर्वाचित जुइत थुपिं निम्ह उम्मेदवारमध्ये सुनानं आवश्यक ५० प्रतिशत स्वयां अप्वः मत हये मफयेवं शीर्ष निगूगु थासय् वयेत ताःलाःपिं उम्मेदवार दथुइ हाकनं मेगु निर्वाचन जुइत्यंगु खः। निगूगु चरणया निर्वाचन मेगु महिनाय् जुइ ।

सम्बन्धित बुखँ

LEAVE YOUR COMMENTS