कुन्हू छु छु यायेत ज्यू ?

कुन्हूयात संस्कृत घृतकुमारिका, हिन्दीं ग्वारपाठा नेपालीं घिउकुमारी व अंग्रेजी एलोबेरा (ब्यिभखभचब) धाइ । कुन्हू झीथाय् न्ह्याथासं दु । अप्वः थें फि वगरय् व खुसि सिथय् सिथय् लाःगु जग्गाय् बुयावइ । झी नेवाःतय् छेँय् अप्वः थें कुन्हूमा छमा नं गमलय् पिनातःगु दइ । कुन्हूया धयागु छगू कथं हाया हः जक दइगु मा खः । साधारण तयाः निगू फूट तक ताःहाकःगु व प्यंगू इंच तक ब्या दइगु थुकिया हःया निखेरंया सिथय् सिथय् कं थें दयाच्वनी ।

सिंहदरबार बैद्यखानाया क्यबलय् पिनातःगु कुन्हूया ६ फूट तक तमागु व ६ इंच हे तब्यागु हः बाला दुगु कुन्हू बुया वयाच्वंगु थ्व च्वमिं हे खंगु दु । झीथाय् छेँय् नं झीसं तःग्वःगु १२ इचिया गमलाय् कुन्हूमा पिनाः उकी न्हियान्हिथं लः बिइगुया लिसें झी नयाः ल्यंपुःयंगु बासिगु केँ (विशेष यानाः रहर), च्या दायेकाः वःगु च्याखू बरोबर गमलाय् तयाबीगु यात धाःसा झीसं नं कुन्हूमायात अथे हे ततःमा यायेगु खःसा कुन्हूमा तमा व हः तबाला यायेगु खःसा मूलगू माया हा छचाःख्येर थहां वइगु चिचिमाःगु मा लिनाः वांछ्वयेमाः ।

कुन्हूया झीथाय् स्वताजि दु । वाउँगु हः दुगु तमा जुइगु, सियु सियु वाउँ वाउँ नःगु तमा जुइगु व हःया वाला नं चिबाला हाकः नं चिचिंहाकः जुइगु, थुपिं स्वता मध्ये वाउँगु, तमा व तबालागु कुन्हूयात हे विशेष रुपं वासःया रुपय् छ्यलीगु खःसा मेगु निताजिं शोभा लाकेत जक पिइगु खः ।

कुन्हूया झीथाय् स्वताजि दु । वाउँगु हः दुगु तमा जुइगु, सियु सियु वाउँ वाउँ नःगु तमा जुइगु व हःया वाला नं चिबाला हाकः नं चिचिंहाकः जुइगु, थुपिं स्वता मध्ये वाउँगु, तमा व तबालागु कुन्हूयात हे विशेष रुपं वासःया रुपय् छ्यलीगु खःसा मेगु निताजिं शोभा लाकेत जक पिइगु खः ।

# कुन्हूया हःया द्यःने ख्वातुक लानाच्वंगु छबः तुलाकालकि उकी दुने चुल्लुसे तःखाः थें छ्वाला छ्वाला च्वनीगु पदार्थ दु । थ्व यक्व हे ल्वय्या वासः खः । थुकिया पाय्छि मात्रा दयेकाः सेवन याये सःसा थुकिं लिभरया ज्यायात बांलाक संचालन याकातइ । थुकिं दुरुपा, लिभर व गुप्तांगयात उत्तेजना दयाच्वनी । थुकिं प्वाथय् दाइपिं थीथी कथंया की नं स्यानाबिइ । थुकिया लेप दयेकाः पानाबिल धाःसा मदिक्क उगुंथुगुं कै वयाच्वनीगु व मेमेगु छ्यंगूया ल्वय् मदयावनी । थुकी मेमेगु जडीबुटी ल्वाकछ्यानाः यक्व हे आयुर्वेदिक वास दयेकू ।

# छुचुनय् कुन्हूया दुनेच्वंगु ला तयाः न्हायाः मरि छुनाः घ्यः चाकुलिसे नयाबिल धाःसां आमवातया ल्वगितय्त फाइदा जुइ । थुकिं कब्जियत नं तापाना वनी । आमवातया ल्वगितय्सः न्हिं न्हिं सुथय् थथे यानाः छुनातःगु मरि नयेमाः ।

# ईब्यः मदयेक थीमज्यू जुइगु, जुइबलय् नं कष्ट जुइगु समस्या दुपिं मिस्तय्सं थीमज्यू जुइगु दिन स्वयां स्वन्हु न्ह्यः निसें कुन्हूया दुने च्वंगु लाः नयेगु यायेमाः अले थीमज्यू जुइगु मदीतलय् थ्व नया तुं च्वनेमाः । थुकिं मचाछें याइगु ज्यायात सामान्य यानातइ ।

# मिं पुइबलय् नं कुन्हूया दुने च्वंगु रसया लेप पानाबिल धाःसा मिं पुथाय् सिचुसे च्वनी, लिसें फ्वंफ्वं नं गाया वइमखु ।

# अमलपित्त जुयाः तसकं हे छ्यं स्याइगु बानि दुपिंत कुन्हूया दुने च्वंगु लाः तकुक तकू तुलाकयाः चिनीय थुनाः छक्वलं छलुकु यानाः घुर्का छ्वयेगु यात धाःसा अमलपित्त लनावं, अथे हे अमलपित्तं तसकं छ्यं स्यानाच्वनीबलय् थ्व कपालय् पानाब्यूसां ज्यू । कुन्हूया दुने च्वंगु लाः १० ग्रामय्, छगू चम्चा कागतिया ति व छगू चम्चा हे कस्ति ल्वाकछ्यानाः त्वनाबिल कि पाचक सम्बन्धि न्ह्याथेज्याःगु समस्या नं ज्यनावनी । नये नं तसकं यइ, पचय् नं जुइ ।

# मिखां सुलुसुलु ति पिहां वयाच्वन, अथें अथें हे मिखा ह्याउँया वइगु जुयाच्वन व मिखा बुल्लु या वयाच्वन धाःसा कुन्हुया लाःयागु ति निफुति स्वफुति सुथय् व सन्ध्याकाःईती मिखाय् तिकि नंकबिइमाः, थ्व समस्या ज्यनावनी, लिसें मिखा नं न्हिच्छिं सिच्चुसे च्वनाच्वनी ।

सम्बन्धित बुखँ

LEAVE YOUR COMMENTS